شانده‌كێ بنگه‌هێ لالش سه‌ره‌دانا ڕێڤه‌به‌ريا په‌روه‌ردا شنگال ل سێمێلێ دكه‌ت
تۆڕا لالش/دهۆك
ئيرۆ28ى شوباتێ 2024ێ ڕێزدار”سه‌عيد جردۆ” سه‌رۆكێ بنگه‌هێ لالش و “د.فارس كتى” به‌رپرسێ پشكا په‌يوه‌نديان و “خشۆ ميرزا” به‌رپرسێ بنگه‌هێ لالش تايێ شنگال، سه‌ره‌دانا ڕێڤه‌به‌ريا په‌روه‌ردا شنگال يا خووندنا كوردى ل قه‌زا سێمێلێ كرن.
شاندێ بنگه‌هێ لالش ژلايێ “مه‌يسه‌ر حه‌جى” ڕێڤه‌به‌رێ په‌روه‌ردا شنگال ڤه هاتنه پێشوازيكرن،دڕوونشتنه‌كێ دا هه‌ردوو ئاليان ڕه‌وشا په‌روه‌ردێ يا خووندنا زمانێ كوردى ل شنگال و كه‌مپاندا و ئه‌نجامدانا چالاكيێن هه‌ڤپشك ل پێشه‌رۆژێ دا گوتۆبێژكرن و ته‌كه‌ز ل سه‌ر كارێ هه‌ڤبه‌ش و هه‌ماهه‌نگى و پێشڤه‌برنا په‌يوه‌نديان كرن.
ئه‌ڤه و سه‌رۆكێ بنگه‌هێ لالش ده‌ستخۆشى ل ڕێڤه‌به‌رێ په‌روه‌ردا شنگال كر بۆ پێشڤه‌برنا زمانێ كوردى و كه‌رتێ په‌روه‌ردێ و پشته‌ڤانى يا بنگه‌هێ لالش بۆ خووندنا كوردى ل شنگال دوپاتكر،جه‌خت ل وێ يه‌كێ ژى كر كو ل داهاتى ژى هه‌مان هه‌ماهه‌نگى دناڤبه‌را بنگه‌هێ لالش و په‌روه‌ردێ دا دێ يا به‌رده‌وام بت بۆ خزمه‌تكرنا قوتابيان.
سه‌عيد جردۆ،سه‌رۆكێ بنگه‌هێ لالش دياركر ژى بنگه‌هێ لالش پشته‌ڤانى يا ليژنه‌يه‌كێ دكه‌ت بۆ پێداچوونێ د پرۆگرامێ ئێزدياتيێ دا بكه‌ت ل قۆناغێن خووندنێ دا.
ڕێڤه‌به‌رێ په‌روه‌ردا شنگال سوپاسيا شاندێ بنگه‌هێ لالش كر بۆ كار و چالاكيێن ئه‌نجام دده‌ت ب تايبه‌ت دكه‌رتێ په‌روه‌ردێ دا ڕۆله‌كێ مه‌زن گێڕايه و به‌رده‌وام پشته‌ڤانى يا قوتابيان دكه‌ت.
بنگه‌هێ لالش هه‌ر ژ ده‌ستپێكا دامه‌زراندنا خۆ و تا نۆكه گرنگيدانه‌كا تايبه‌ت دايه خووندنا كوردى ل ده‌ڤه‌را شنگالێ و ل بيروه‌رى و هه‌لكه‌فتێن جودا جودا ل قوتابخانه‌يان چالاكيان بۆ قوتابيان ئه‌نجام دده‌ن.
تُتاح هذه الصورة أيضا في: کوردی
