مامۆستايێن زانكۆيێن دهۆك و زاخۆ ده‌ستكه‌فتێن بنگه‌هێ لالش بلند دنرخينن
تۆڕا لالش/دهۆك
ب مه‌ره‌ما خورتكرنا په‌يوه‌نديان كۆمه‌كا مامۆستايێن زانكۆيێن دهۆك و زاخۆ،ئيرۆ سێ شه‌مبوويێ 27ى شوباتێ 2024،سه‌ره‌دانا بنگه‌هێ لالش ل دهۆكێ كرن و ژئاليێ “د.فارس كتى” به‌رپرسێ پشكا په‌يوه‌نديان ڤه هاتنه پێشوازيكرن.
دهه‌ڤديتنێ دا هه‌ر ئێك ژ “د.شاكر” و “د.ئه‌رسه‌لان” ل زانكۆيا زاخۆ و مامۆستا “ئه‌دهه‌م “ل زانكۆيا دهۆكێ،خۆشحاليا خۆ ده‌ربرين ب كار و چالاكيێن بنگه‌هێ لالش ئه‌نجام دده‌ت و ده‌ستكه‌فتێن ده‌سته‌يا نوو بلند نرخاندن و دانه دياركرن كو بنگه‌هێ لالش ڕۆله‌كێ مه‌زن هه‌يه و هه‌بوويه بۆ خزمه‌تكرنا جڤاكا ئێزديان دبياڤێن جودا جودا و پشته‌ڤانى يا خۆ بۆ كارێ بنگه‌هێ لالش دوپاتكرن.
پاشان د.فارس كتى،به‌رپرسێ پشكا په‌يوه‌نديان ل بنگه‌هێ لالش ب تێر و ته‌سه‌ڵى باس ل كار و چالاكيێن بنگه‌هێ لالش كر.
بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ،ئێك ژ سازيێن مه‌زنێن ئێزديايه ل هه‌رێما كوردستانێ و عيراقێ و جيهانێ،ب پشته‌ڤانيا ڕاسته‌وخۆيا حكومه‌تا هه‌رێما كوردستانێ به‌رده‌واميێ ب كاروان و خه‌باتا خۆ يا ڕه‌وشه‌نبيرى و جڤاكى دده‌ت و 38تايى و نڤيسينگه‌هێن لالش ل ناڤخۆ و ژ ده‌رڤه هه‌ينه.
تُتاح هذه الصورة أيضا في: کوردی
