ب پشكداريا مالا ئێزديان جڤاتا ئايينان ل ئۆلدنبۆرگ كۆمبوونه‌ك ل دۆر پێكڤه‌ژيانێ ئه‌نجامدا
تۆڕا لالش/به‌ختيار قادر
جڤاتا ئايينان ل ئۆلدنبۆرگ بۆ پێكڤه‌ژيانێ ل وه‌لاتێ ئه‌لمانيا،ئيرۆ 19ى شوباتێ 2024،كۆمبونا خۆ ب پشكداريا به‌رپرسێن ته‌ڤايا مال و بنگه‌هێن ئۆلێن باژێرى ئه‌نجامدا و هزر و بير ل دۆر پێكڤه‌ژيانێ لێك گوهارتن.
مال و بنگه‌هێن هه‌موو ئۆل و ئايينێن ل باژێرێ ئۆلدنبۆرگ هه‌ر دوو هه‌يڤان جاره‌كێ ل هه‌ڤ دجڤن ل دۆر خورتكرنا پرۆسێسا پێكڤه‌ژيانێ.
كۆڤان شێخ عه‌لۆ،ئه‌ندامێ مالا ئێزديان ل ئۆلدنبۆرگ بۆ(تۆڕا لالش)دياركر؛ب پشكداريا به‌رپرسێن ته‌ڤايا مال و بنگه‌هێن ئۆلێن باژێرى جڤاتا ئايينان ل ئۆلدنبۆرگ بۆ پێكڤه‌ژيانێ كۆمبوونا خۆ ئه‌نجامدا،تێدا هه‌ر به‌رپرسه‌كى باس ل كاريگه‌ريا شه‌ران يێن ژبه‌ر ئايينى ڕوودده‌ن ل سه‌ر پێكڤه‌ژيانێ و چاوانيا ڕێڤه‌برنا كارێ خۆ كرن.
ئاماژه ب وێ چه‌ندێ دا هه‌ر گرۆپه‌ك ژ ئۆلێن جياواز هزر و بيرێن خۆ دنڤيسن و پاشان به‌رپرسا وێ ڕوونشتنێ باس ل وان هزران دكه‌ت.
ئه‌ندامێ مالا ئێزديان دا زانين ژى ئه‌ڤ گرۆپ هه‌موو دبن كارگێريا پاراستنا باژێرى دا دگه‌ل هه‌ڤدوو كاردكه‌ن و هه‌ر دوو هه‌يڤان جاره‌كێ ل جيه‌كى كۆمبوونا خۆ دكه‌ن.
ل باژێرێ ئۆلدنبۆرگ ل وه‌لاتێ ئه‌لمانيا چه‌ندين ئۆل و ئاييێن جياواز پێكڤه دژين.
تُتاح هذه الصورة أيضا في: کوردی
