ئازار 02, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پێشمەرگەیێ شۆرەشا گولانێ خەیری مشكو یسێ‌:ل داستانا دێرەلۆكێ‌ هەشت شەڤ و رۆژان ئەو دەڤەر ددەستێن پێشمەرگەی دا بوو

پێشمەرگەیێ شۆرەشا گولانێ خەیری مشكو یسێ‌:ل داستانا دێرەلۆكێ‌ هەشت شەڤ و رۆژان ئەو دەڤەر ددەستێن پێشمەرگەی دا بوو

ئه‌ڤرۆ نيوز:

پشتی تێكچوونا دانوستاندنا د ناڤبەرا سەركردایەتییا كوردستانێ‌ و حوكمەتا ئیراقێ‌ یا وی سەردەمی دا، كاودانێن قەزا شنگال تێكچوون و چەندین مالێن پێشمەرگە و رێكخستیێن پارتی دیموكراتی كوردستان دهێنە دەركرن، و ل باژێرێ‌ زاخۆ ئاكنجی دبن، دووڤدا ب فەرمانا (خەیری بەگ) دهێنە رەوانەكرن بۆ ناحیا باعەدرێ‌ و هەتا نوكە ل سەر عەردێ‌ مالا میران دئاكنجی نە.

خەیری مشكو یسێ‌، ئێك ژ پێشمەرگەیێن شۆرەشا 26ی گولانا پێشكەفتن خوازە كو خەلكێ‌ گوندێ‌ (گوه بەل)ە ل قەزا شنگال، بابێ‌ وی پێشمەرگەیێ‌ شۆرەشا ئیلونێ‌ بوویە، ل سالا 1964ێ‌ پەیوەندی ب شۆرەشێ‌ كربوو، و ژ رێكخستیێن دەسپێكی بوویە ل قەزا شنگال، د دیدارەكێ‌ دا ل گەل رۆژناما ئەڤرۆ گۆت: ل سالێن دانوستاندنێن حوكمەتا بەعس ل گەل سەركردایەتییا كوردستانێ‌ بەری رێككەفتا 11ی ئادارێ‌ بوویە، هژمارەكا زور یا مالێن شنگالیان ژ بەر تێكچوونا كاودانان مال و جهێن خوە بجهێ هێلان و هاتنە زاخۆ، ل سالا 1964ێ‌ بوو بابێ‌ من دەست ب خەباتێ‌ كر وی دەمی بابێ‌ من پێشمەرگە بوو ل گەل سەركردە (عیسێ‌ سوار) ل دەڤەرا زاخۆ وی دەمی مالێن مە ژ شنگال هاتبوونە زاخۆ، پشتی نسكۆیا سالا 1975ێ‌ خودێ‌ ژێ‌ رازی (خەیری بەگ)ێ‌ داخاز كر ژ زاخۆ بەرەف باعەدرێ‌ بهێن و ئەو مالێن شنگالیان هەمی سەر عەردێ‌ مالا میران ل ناحیا باعەدرێ‌ ئاكنجیبوون.
پێشمەرگەیێ‌ شۆرەشا گولانێ‌ (خەیری مشكو یسێ‌) زێدەتر گۆت: ل سالا 1982ێ‌ من دەست هاڤێتە چەكێ‌ شەرەفێ‌ و بوومە پێشمەرگە ل گەل (خەیری سورو) چووینە لژنا ناوچا شێخان یا پارتی دیموكراتی كورستان، و بەردەوام بووم هەتا سالا 1988 ێ‌ ل دەمێ‌ هەوا ئەنفالێن رەش ب سەر كوردستانێ‌ دا هاتی، وی دەمی حوكمەتا ئیراقێ‌ دەستە سەركرین و ب خێزان ڤە رەوانەی بەحركێ‌ كرین، و دەڤەرا (جەژنیكان) و پشتی بورینا دو سالان و لێبورین هاتە دەركرن زڤرینە باعەدرێ‌، ل سەرهلدانا پیرۆزا 1991ێ‌ پشكداربووم و هەتا نوكە ل سەر پێشمەرگایەتیێ‌ یێ‌ بەردەوام.
ناڤبری هەروەسا دیاركر، ل دەمێ‌ پێشمەرگایەتیێ‌ ل شۆرەشا گولانێ‌ ل سالا 1984ێ‌ ل باعەدرێ‌ ژلایێ‌ سیخورێن رژێما بەعس ڤە دو جاران مالا مە هاتیە تالانكرن، ل سالا 1988ێ‌ ژی جارەكا دی مالا مە بەر هەوا ئەنفالان كەفت و هاتە تالانكرن.
هەمان پێشمەرگەیێ‌ شۆرەشا گولانێ‌ ئەو ژی گۆت: ل سالا 1982ێ‌ ب حەزا و ڤیانا خوە من قەستا ناڤ شۆرەشێ‌ كر و چەكێ‌ شەرەفێ‌ هەلگرت، وی دەمی لەشكری یا ب زوری بوو یا حوكمەتا بەعس لێ‌ من شۆرەشا گولانێ‌ هەلبژارت، و چەكێ‌ شەرەفێ‌ دژی داگیركەرێن كوردستانێ‌، و بەری ببمە پێشمەرگە ئەم ل گەل (قاسم رەشو) درێخستی بووین و چووینە لژنا شێخان، و دووڤدا ئەم هاتینە رەوانەكرن بۆ بارەگایێ‌ لقێ‌ ئێك وی دەمی هەر كەسەكێ‌ چەكێ‌ پێشمەرگاتیێ‌ هەلگرتبا دەمێ‌(9) هەیڤان دما هەتا بەرسڤا وی هاتبا، لێ‌ چونكە ئەم پێشتر درێخستی بووین وی دەمی هاتمە رەوانەكرن بۆ (ئیسنادێ‌) و سەر دوشكا چاردە و نیڤ، و سالا 1987ێ‌ سەركردێ‌ پێشمەرگەی (سلو خدر) بۆ بەرپرسێ‌ لژنا زاخۆ یا پارتی دیموكراتی كوردستان، و خودێ‌ ژێ‌ رازی (سلو خدر) خوار ل گەل بچمە زاخۆ و چوومە زاخۆ.
خەیری مشكۆی گۆت: گەلەك چالاكی و شەر و داستانان ل گەل پێشمەرگەیێ‌ كوردستانێ‌ پشكدار بوویمە، ل سالا 1984ێ‌ ل سەرێ‌ ئامێدیێ‌ مە چوار رەبیێن دوژمنی راكرن، هێرشا سەر شێخان ل گەل هەر دو خودێ‌ ژێ‌ رازی یان (سلو خدر و سەید صالح) چووم و پشكداربووم، زێدەباری داستانا دێرەلۆك و شێلادزێ‌ پشكدار ب بووم.
هەمان پێشمەرگەیێ‌ شۆرەشا گولانێ‌ بەحسێ‌ نەخوشترین شەرێ‌ خوە دكەت یێ‌ پشكدار بووی و گۆت: چ شەر دخوش نەبوون لێ‌ نەخوشترین شەرێ‌ پشكداربوویم یێ‌ دێرەلۆك و شێلادزێ‌ بوو، نەه رۆژا بەردەوام بوو، نەخوشیا وی بۆ وێ‌ چەندێ‌ ڤەدگەریت كو پتریا هێزێن چەتا و لەشكرێ‌ ئیراقێ‌ و هێزا تایبەت یا دوژمنی و هەوالگێری یا دوژمنی یا دەڤەرا باكورێ‌ ئیراقێ‌ هەمی پشكدار ب بوون، و رەنگە ئەم نە شارەزابووین ل دەڤەرێ‌، و هێزێن پێشمەرگەی ل صوركێ‌ فەوجا (سۆركێ‌) ستاندن و ب فەرمانا سەرۆك بارزانی كو رێك بهێتەدان رێ‌ هاتەدان.
هەمان پێشمەرگەیێ‌ شۆرەشا گولانێ‌ گۆت: ل سالا 1987ێ‌ جارەكێ‌ مە خوارن دخوار ئەم نێزیكی (20) پێشمەرگەیان بووین، و خودێ‌ ژێ‌ رازی (سلو خدر و سەید صالح) ل گەل مەبوون و توپەك هات ب نیڤا خوارنا مە كەفت، سوپاس بۆ خودێ‌ ئەم هەمی ب سلامەتی قورتال بووین، و بتنێ‌ ناڤ چاڤێن مە هەمیان بوونە تەنی و رەش بوون، سوپاس بۆ خودێ‌ خوە چپكەكا خوینێ‌ ژ تلا ئێك پێشمەرگەی ژی نەهات، ئەڤە ئێك ژ دیمەنێن مرنێ‌ بوون كو مە هزر دكر مرنا مە هات و ئەم ساخ نابینە ڤە.
پێشمەرگەیێ‌ شۆرەشا گولانێ‌ دوپاتكر: ل سالا 1984ێ‌ ل هێرشا سەر رەبیێن سەرێ‌ ئامێدیێ‌ هەڤالەكێ‌ مەیێ‌ پێشمەرگە سەر ب لژنا ناوچا ئامێدیێ‌ ڤە بوو، ب مخابنی ڤە ناڤێ‌ وی من ژ بیر كریە و ئەم ل گەل ئێك بووین و لنیك من شەهید بوو، و حەفت هەڤالێن مە بریندار بوون، ل شەرێ‌ دێرەلۆكێ‌ هەشت شەڤ و رۆژا دێرەلۆكێ‌ كەفتە دەستێ‌ پێشمەرگەی و مەنە هێلا لەشكر هاتن و چوونێ‌ بكەت، و نێزیكی (9) رەبیێن چەتا مە راكرن و رامالین، د ناڤبەرا دێرەلۆك و ئامێدیێ‌ دا، دووڤدا هێزەكا مەزن هات و ب سەر دەڤەرێ‌ دا گرت فەرمانا جەنابێ‌ سەرۆكی رێك پێ‌ هاتەدان.
پێشمەرگەیێ‌ شۆرەشا گولانێ‌ ل دووماهیێ‌ گۆت: داخازێ‌ ژ سەركردایەتییا پارتی دیموكراتی كوردستان دكەم، ب چاڤێ‌ دلوڤانیێ‌ تەماشەری ڤی مللەتی بكەت، و كەسانێن ماندیبوون و زەحمەت دیتی نەهێنە ژبیركرن، و زێدەتر كار بۆ وێ‌ چەندێ‌ بكەت دادپەروەری دناڤبەرا هەمی پێشمەرگەی دا بهێتەكرن، و كاسانێن خزمەتكرین نەهێنە ژبیركرن و ماندیبوونا وان نەهێتە ژبیركرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi