شوبات 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سارا سه‌ردار:مێژوويا جينۆسايدا ئێزديان وه‌كو ڕوودايى دێ ڤه‌گوهێزين

سارا سه‌ردار:مێژوويا جينۆسايدا ئێزديان وه‌كو ڕوودايى دێ ڤه‌گوهێزين
تۆڕا لالش/به‌ختيار قادر
ڕێكخراوا كورديپێديا كو گرنگيێ ب نڤيسين و تۆماركرن و ئه‌رشيفكرنا هه‌ر تشته‌كێ په‌يوه‌ندى ب كورد و كوردستانێ ڤه‌ هه‌بت دده‌ت،ئه‌ڤه‌ ماوه‌يه‌كه‌ ده‌ست ب تۆماركرنا قوربانيێن جينۆسايدا ئێزديان ئه‌وا ل 3/8/2014ل شنگال ڕوودايى دكه‌ت.

سارا سه‌ردار،ڕۆژنامه‌ڤان و ڤه‌كۆله‌ر ل بوارێ مێژوويا كه‌ڤن يا كوردى و ئێك ژ ئه‌ندامێن ڕێكخراوا كورديپێديا بۆ(تۆڕا لالش)ڕاگه‌هاند؛ئه‌ڤه‌ ماوێ هه‌شت سالانه‌ دبوارێ مێژوويێ دا دنڤيسم و دوى ده‌مى دا زێده‌تر بزاڤ كرن ڕاستيا ديرۆكا كوردان ب خه‌لكێ بيانى بده‌مه‌ ناسين و هشياريا ديرۆكى ل ناڤ خه‌لكێ دا په‌يدا بكه‌م كو پتر ئاگه‌هدارى مێژوو و ڕابردوويێ خۆ ببن،ل ڕێكخراوێ گه‌له‌ك گرنگيێ ب هندێ دده‌ين كو مێژوو وه‌كو خۆ بێته‌ تۆماركرن و بمينت ده‌ستكارى تێدا نه‌ ئێته‌ كرن،ئه‌م ب خۆبه‌خشى كاردكه‌ين ده‌ست ب تۆماركرنا پارچه‌ پارچه‌ و كه‌س ب كه‌س و تاكێ كوردستانى دكه‌ين كو هه‌رتشته‌كێ پێدڤى بت ل ماوێ داهاتى دا ئاگه‌هدار بن،وه‌ك ده‌رچوويا به‌شێ مێژوو ده‌ست ب تۆماركرنا په‌رستگه‌ها لالش و زه‌لامێن ئۆلى و جيێن ئايينى و ڕه‌هـ و ريشالێن ئايينێ ئێزديان كر،كو ئێكه‌م ئايينێ كوردى يه‌ و شێوازێ تۆماركرنا مێژوويا ئێزديان مه‌ ده‌ست پێكر.

،،گه‌له‌ك گرنگيێ ب هندێ دده‌ين مێژوو وه‌كو خۆ بێته‌ تۆماركرن ده‌ستكارى تێدا نه‌ئێته‌ كرن,,

ل گۆڕه‌ى گۆتنا سارايێ ئێك ژ ئارمانجێن وان زانياريێن زێده‌تر ل سه‌ر كوردێن ئێزدى تۆمار بكه‌ن،ب تايبه‌ت جينۆسايدا بسه‌رێ ئێزديان دا هاتى ل 3/8/2014ێ ئه‌ڤه‌ مێژوويه‌كا زيندى يه‌ له‌وا مه‌ دڤێت مێژوو وه‌كو ڕوودايى و وه‌كى خۆ بێته‌ ڤه‌گوهاستن داكو نفشێ بێت ئاگه‌هدار بن و هشيار بن و نه‌هێلن چوو تشته‌كێ ديتر ل سه‌ر كوردێن ڕه‌سه‌ن ڕووبده‌ت.

،،تا نۆكه‌ نێزيكى 4 هه‌زار كه‌س ژ جينۆسايدێ ب زمانێ فارسى تۆماركرينه‌،،

ئه‌نداما رێكخراوا ناڤبرى ئاشكراكر:ئه‌ڤه‌ ماوه‌يه‌كه‌ وان ده‌ست ب تۆماركرنا بێسه‌روشوونان وقوربانى و جانگۆريێن جينۆسايدا ئێزديان كريه‌ و گه‌له‌ك ب پێدڤى دزانين ئه‌و جينۆسايدا مه‌زن يا مرۆڤى وه‌كو خۆ بێته‌ تۆماركرن و هه‌موو ناڤ مه‌ هه‌بن و تا نۆكه‌ نێزيكى 4 هه‌زار كه‌س ژ جينۆسايدێ ب زمانێ فارسى تۆماركرينه‌، چنكو گه‌له‌ك يا گرنگه‌ وه‌لاتێن دراوسێ بزانن كو چ بسه‌رێ ئێزديان و كوردان دا هاتيه‌.

،،ژبه‌ر هێرشا داعش مه چه‌ندين هه‌زار كه‌س و تاكێ ئێزدى ژ ده‌ستدان و جهێ مخابنيێ يه‌ بۆ مه‌،،

ئه‌و چه‌نده‌ ژى رۆنكر،ژبه‌ر درووستبوونا ده‌وله‌تا داعش و هێرشا وان بۆ سه‌ر هه‌رێما كوردستانێ و ده‌ڤه‌رێن ئێزديان مه چه‌ندين هه‌زار كه‌س و تاكێ ئێزدى ژ ده‌ستدان و جهێ مخابنيێ يه‌ بۆ مه‌ و ڕێكخراو ل سه‌ر كارێ خۆ دێ يا به‌رده‌وام بت و ئارمانجا وێ تۆماركرنا مێژوويا هه‌موو كوردستانێ يه‌. ‌

ناڤهاتيێ دا زانين ژى ڕێكخراوا كورديپێديا ل سالا 2008ژلايێ هاورێ باخه‌وان هاتيه‌ دامه‌زراندن وئارمانجا وان‌ نڤيسين و تۆماركرن و ئه‌رشيفكرنا هه‌ر تشته‌كێ كو په‌يوه‌ندى ب كورد و كوردستانێ ڤه‌ هه‌بت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi