نووترين زانيارى ل دۆر ئاڤاكرنا خانيان ل شنگالێ
باسنيوز:
ئەندامەکێ جڤاتا نوێنەرێن عێراقێ راگەهاند، ئه‌م داخوازین وه‌زاره‌تا كۆچ و كۆچبه‌رێن عێراقێ نێزیكى سه‌ندوقا ئاڤه‌دانیا شنگالێ نه‌بیت.
عه‌لى عه‌باس، په‌یڤدارێ وه‌زاره‌تا كۆچ و كۆچبه‌رێن عیراقێ راگه‌هاند، ڕێككه‌فتن دگه‌ل پارێزگارێ نه‌ینه‌وا هاتیه كرن كۆ 50 دونه‌مێن عه‌ردى ل شنگالێ بۆ دروستكرنا یه‌كه‌یێن ئاكنجیبوونێ بهێته ته‌رخانكرن ئه‌ڤ یه‌كه‌یێن ئاكنجیبوونێ دێ بۆ وان ئاواران بن یێن کۆ ڤه‌دگه‌رنه شنگالێ و خانى نه‌بیت دێ بۆ وان بێ به‌رامبه‌ر هێتە دروستكرن، لێ ژماره‌یا خانوویان و ده‌مێ ته‌مامبوونا پرۆژه‌ى دیار نینن، ژبه‌ركو پێدڤى ب ڕه‌زامه‌ندییا وه‌زاره‌ت و لایه‌نێن په‌یوه‌ندیداره.
مه‌حما خه‌لیل، ئه‌ندامێ جڤاتا نوونه‌رێن عێراقێ بۆ (باسنیوز) راگه‌هاند، ناهێته قه‌بوول كرن وه‌زاره‌تا كۆچ وكۆچبه‌ران ل عێراقێ پاره‌ی ژ سه‌ندوقا ئاڤه‌دانیا شنگالێ ده‌ربێخیت بۆ ئاڤاكرنا خانیان یان چێكرنا کۆمه‌لگه‌هه‌كا ئاكنجیبوونێ بۆ ئاواران یێن کۆ زڤرینە شنگالێ و خانیێن وان نه‌بن ئه‌ڤه ناهێته قه‌بوول كرن ئه‌م دگه‌لداینه خانی بۆ خه‌لكێ شنگالێ ل گوند و کۆمه‌لگه‌هێن وان بهێته ئاڤاكرن ئه‌و كه‌سێ خانیێ وێ خرابووی ل جهێ خانیێ وی خانیه‌كێ دی بۆ بهێته ئاڤاكرن ژلایێ حكومه‌تا عێراقێ ڤه”.
ئاشكرا كر، ب نڤیساره‌كا فه‌رمى مه داخوازكریه كه‌سه‌كێ شنگالێ ئیدارا سه‌ندوقا ئاڤادانیا شنگالێ بكه‌ت ئه‌وه پاره هه‌مى بۆ ئاڤه‌دانیا شنگال بهێته مه‌زاختن ئه‌م رازى نابن وه‌زاره‌تا كۆچ و كۆچبه‌ران مایتیكرنێ تێدا بكه‌ت ژبه‌ركو ئه‌و وه‌زاره‌ت ل گه‌نده‌لیێ دگه‌ریت “.
مه‌حما خه‌لیل ، زێده‌تر گۆت: مه دڤێت گۆند و خانیێن خرابووى یێن وه‌لاتیێن شنگالێ بهێنه ئاڤاكرن ئه‌م داخواز دكه‌ین کۆ وه‌زاره‌تا كۆچ و كۆچبه‌ران نزیكێ سه‌ندوقا ئاڤه‌دانیا شنگالێ نه‌بیت”.
گوژمێ 50 ملیار دینار بۆ سه‌ندوقا ئاڤه‌دانیا شنگالێ هاتنه ته‌رخانكرن .
تُتاح هذه الصورة أيضا في: کوردی
