ڕێكخراوهك ب ههماههنگى ل گهل بنگەهێ لالش چهند پرۆژهيان ل كۆمهلگهها شاريا ئهنجام ددهت
تۆڕا لالش:
ل كۆمهلگهها شاريا ڕێكخراوهك ب ههماههنگى ل گهل بنگەهێ لالش تایێ شاریا چهند پرۆژهيان دبياڤێن جودا جودا ئهنجام ددهت.
بنگەهێ لالش تایێ شاریا ب هەماهەنگی و پشتەڤانیا دارایی دگەل ڕێکخراوا (کونسێرن) ڕابوون ب بجهئینانا پرۆژەکی بۆ ماوەیێ دوو هەیڤا ل هەیڤا یازدە و دوازدە، ب هاریکاریا رێکخراوێ 44 کرێکاران دڤى پرۆژهى دا تێدا کارکریە ژ هەر دوو ڕەگەزان ژ خوهجهـ و ئاوارەیێن کێم دەرامەت یێن کۆمەلگەها شاریا و ژینگەهـ هەموو ژ لایێ وانڤە هاتە پاقژکرن.
د پرۆژهى دا هەموو قوتابخانەیێن سنوورێ کۆمەلگەها شاریا و باغچەیێ بەیبوون دگەل هەموو جادەیێن کۆمەلگەهێ یێن ناڤخۆ و یێن ژدەرڤە و سۆلینێن جادەیان پاقژ هاتنە ڕاگرتن ژ بەرمایکان،هەر د ڤێ هەوێدا ب هەڤکاری دگەل باژێرڤانیا شاریا ههژمارەکا زۆر یا داران ژلایێ ڕێکخراوێ ڤە هاتنە چاندن ل ناڤ کۆمەلگەهێ ژبۆ پتر جوانکرن و خەملاندنا ژینگەهێ و زێدەبوونا رێژەیا کەسکاتیێ ل دهڤهرێ.
ل داویا پرۆژەی ژی هەموو کرێکارێن تێدا کارکری کوژمەکێ دراڤى پێ هاتە دان بەرامبەر کارێ وان یێ مرۆڤایەتی .
دبهردهواميا پرۆژهيێ خۆ دا و ژبۆ بتر پشتەڤانیا کەڕتێ پەروەردێ و بەرهەڤکرنا ژینگەهەکا تەندروست ڕێكخراوا ناڤبرى ڕابوو ب دابەشکرنا مادەیێن پاقژکرنێ ( صحیات ) و پەڕگەهان ل سەر یازدە قوتابخانەیێن کومەلگەهێ کو پێکهاتبوون ژ ( پاقژکەرێن دەستان و حاویێن بچووک و مەزن و فڕچە و ماسیحە و سابوون و A4 و گەلەک کەرستیێن دی ) بوون.
ژ ئالیەکێ دیڤە گڕۆپەکێ شەش کەسی یێ گەڕۆك ل گوندێن کەڤن ل سنوورێ کۆمەلگەها شاریا دگەڕیان ژ بلی هشیاریا تەندورستی ئالاڤێن پاقژکرنێ ژی دگەل دا هاتنە بەلاڤکرن.
ههروهسا د بەردەوامیا پرۆژەیدا دەستشۆیێن هەیکەل و چادرێن ئاوارەیان ل گوندێن کەڤن هاتنە سەخبێریکرن و ڕابووینە ب پێدانا تەوالێتێن سەفەری و نایلۆنی و تانکەرێن ئاڤێ ل دووڤ پێدڤییا وان.
تُتاح هذه الصورة أيضا في: کوردی