8 خیڤەتێن ئاوارەیان ل کەمپا شاریا سۆتن
گاڤ
نێزیکی دەمژمێر 2:00 بەرێ سپێدەهیا ئەڤرۆ هەشت خیڤەتێن ئاوارەیێن شنگالێ ل کەمپا شاریا ل سنوورێ دەڤەرداریا سێمێلێ سۆتن و زیان گەهشتنە چار خیڤەتێن دی.
پیر دەیان جەعفەر، رێڤەبەرێ کۆچ و کۆچبەر و بەرسڤدانا قەیرانان ل پارێزگەها دهۆکێ بۆ گاڤ گۆت: ل بەرێ سپێدەهیا ئەڤرۆ رۆژا دوشەمبی رویدانەکا ئاگربەربوونێ ل کەمپا شاریا چێبوو و چار خیڤەت ب تەمامی و چارێن دیژی نیڤ نیڤە سۆتن و چ زیانێن گیانی نەبوون، بەلکو زیان بتنێ مادی بوون.
ئاماژە دا وێ چەندێ ژی، رویدانا سۆتنا خیڤەتان ژ ئەگەرێ شۆرتەکێ کارەبێ بوویە و تیمێن ئاگرڤەمراندنێ گەهشتینە جهێ رویدانێ و بەری ئاگر بەرفرەهببیت، هاتیە کونترۆلکرن.
رێڤەبەرێ کۆچ و کۆچبەر و بەرسڤدانا قەیرانان ل پارێزگەها دهۆکێ دا زانین ژی، تەڤاهیا کەلوپەلێن پێدڤی ژلایێ وان ڤە بۆ زیان ڤێکەفتیان هاتینە دابینکرن و جهێ خیڤەتان دێ هێتە پاقژکرن و خیڤەتێن نوی دێ ب وان هێنە دانان.
تُتاح هذه الصورة أيضا في: کوردی