ئازار 03, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كۆنفرانسێ جینۆسایدا ئێزديان و پرسا ژن و كه‌لتۆرى هاته‌ ڕێكخستن

كۆنفرانسێ جینۆسایدا ئێزديان و پرسا ژن و كه‌لتۆرى هاته‌ ڕێكخستن

تۆڕا لالش:
دچارچۆڤێ هه‌وا شازده‌ ڕۆژى يا به‌ره‌نگاربوونا توندوتیژيێ دژی ژنان،ئيڕۆ دووشه‌مبوويێ 4/12/2023،ل هه‌ولێرا پايته‌خت ب ئامادەبوونا ئاریان سەلاحەدین، بریكارێ وەزارەتا ڕه‌وشه‌نبیری و لاوان يا حكومەتا هەرێما كوردستانێ و شانده‌كێ ده‌سته‌يا بلندا بنگه‌هێ لالش و هه‌ژماره‌كا كه‌سايه‌تى و ڕه‌وشه‌نبيرێن ئێزديان و ڕزگاربوويێن ده‌ستێ داعش،كۆنفرانسێ جینۆسایدا كوردێن ئێزدی و پرسا ژن و كه‌لتۆر ب ڕێڤەچوو.

كۆنفرانس ژلایێ وه‌زاره‌تا ڕه‌وشه‌نبیری و لاوان – یه‌كه‌يا جێنده‌ر ل هۆلا بێشكچی ل دیوانا وه‌زاره‌تێ هاته‌ ڕێكخستن.

پشتى دەستپێكرنا كۆنفرانسى و نمایشكرنا فیچەره‌كێ تایبەت ب جینۆسایدا شنگال، ئاریان سەلاحەدین، بریكارێ وەزارەتێ گۆتاره‌ك پێشكێش كر و تێدا بناڤێ وەزیرێ ڕه‌وشه‌نبیری و لاووان ل حكومەتا هەرێما كوردستانێ بخێرهاتنا مێڤانێن كۆنفرانسى و ئامادەبوويان كر و ڕاگەهاند، وەزارەت وەك ئەركێ خۆ بەردەوام د هەوڵێن كارێ هەمەلایەنەیە بۆ خزمەتكرنا دۆسه‌يا ئافرەتان و قوربانیێن دەستێ تاوانێن ڕێكخراوا تیرۆرستی يا داعشێ.

رۆنكر ژى یه‌كه‌يا جێنده‌ر ل وه‌زاره‌تێ، یه‌كه‌یه‌كا نوو يا ئیدارییه‌ و ب ڕێيا وه‌زاره‌تێ كار دكه‌ت بۆ به‌شداریكرنێ د هه‌وا نیشتمانی يا به‌ره‌نگاربوونها توندوتیژیيا ڕه‌گه‌زی و دووڤچوونا ماف و داخوازيێن ئافره‌تان.

ئاریان سه‌لاحه‌دین، گۆتژى:دچارچۆڤێ ئارمانجا سەرەكى يا كۆنفرانسى،به‌حسكرنا ڕۆڵی ڕه‌وشه‌نبیران بۆ ناساندنا جینۆسایدا ئێزدیان، پرسا میدیا، ڕەهەندێن مێژوویی و كۆمەڵایەتی يێن تاوانێ، كو ژلایێ تیرۆرستان ڤه‌ دەرهەقى خەڵكێ شنگالێ هاتنه‌ كرن.

د پشكه‌كا دى يا گۆتارا خۆ دا، ئاریان سەلاحەدین،به‌رهه‌ڤى و پشته‌ڤانيا وەزارەتا ڕه‌وشه‌نبیری و لاوان بۆ هەموو چالاكی و پڕۆژەیێن ڕه‌وشه‌نبیری و كه‌لتۆری ل پێناڤى خزمەتكرنا دۆسه‌يا تایبەت يا شنگالێ و جینۆسایدا كوردێن ئێزدی دووپاتكر.

دووپاتكرژى، ئافرەتێن ئێزدی قوربانيێن ئێكێ يێن تاوانێن كۆمەڵكوژی و داگیركرنا شنگالێ نه‌ و پێویستە هەرچی زوويه‌ ئاوڕ ل ژیانا وان بێته‌ كرن و هەموو لایەك كار بكەین بۆ هندێ كاریگەريا تاوانێن جینۆسایدێ ل سەر دەروون و ژیانا داهاتى يا وان ئافره‌تان كێم بكه‌ين.

پاشان په‌نه‌له‌ك ل دۆر پرسێن پێويست ب كۆنفرانسى ب ڕێڤەچوو و تێدا هه‌ر ئێكى ژ پشكداران به‌حس ل ته‌وه‌رێن بابه‌تێن خۆ كرن كو پێكهاتيبوون ژ:

 ناسر كرێت: ڕۆڵێ ڕۆناكبیران بۆ ناساندنا جینۆسایدا ئێزدیان.
* سعود مستۆ: پێنگاڤ و ئاستەنگێن ناساندنا جینۆسایدێ و ڕۆلێ حكومەتا هەرێما كوردستانێ.
* د. چنار نامق: ڕۆڵێ میدیا بۆ ناساندنا پرسا جینۆسایدا ئافرەتێن ئێزدی.
* داود موراد: ڕەهەندێن مێژوویی و كۆمەڵایەتى يێن جینۆسایدا ئێزدیان  ل ژیانا ژناندا.

ل داويا كۆنفرانسى،ڕاسپاردێن كۆنفرانسى هاتنه‌ ئامادەكرن بۆ هندێ ب ڕێيا وەزارەتێ كار ل سه‌ر بێته‌ كرن بۆ جێبەجێكرن و گەهاندنا وان بۆ ناڤەندێن پەیوەندیدار.

  

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi