نههـ ساڵ بسهر وەغەرکرنا نڤیسەر “ڕێسان حەسەن “دهرباز دبن
تۆڕا لالش:
دڕۆژهكا وهكا ئيرۆ دا ل ڕۆژا 28/11/2014، ئێك ژ ستوونا ڕهوشهنبيرى و ئهدهبێ ئێزديان،نڤيسهر و كهسايهتيێ ديارێ جڤاكا ئێزديان “ڕێسان حهسهن جندى” ژ گوندێ خانكا كهڤن ل ناحيا خانكێ ب ئهگهرێ نهخۆشيێ وهغهرا داويێ كر.
ژياننامهيا خودێ ژێ ڕازى نڤيسهر ڕێسان حهسهن جندى:
نڤیسکار رێسان حەسەن جندی ل 5/2/1961 ل گوندێ خانکا کەڤن بسەر پارێزگەها دهۆکێڤە ژدایک بوویە،ژبەرکو رێسان حەسەن جندی مامۆستا و نڤیسکار بوویە دێ ژیانا ژ هەردوو ئالیانڤە دیارکەین.
1ـ ژلایێ پەروەردەییڤە: لسالا 1973ێ خواندنا خۆ یا سەرەتایی لگوندێ خانکا کەڤن بداوی ئانیە و یا ناڤنجی لسالا 1976ێ ل ناڤنجیا ئاشتی لدهۆکێ،لسالا 1978ێ ژ خانەیا مامۆستایا دەرچوویە،ل 18/9/1979 وەک مامۆستا لگوندێ دێرەشێ ل دەڤەرا بەرێ گارە هاتیە دامەزراندن،لسالا 1980ێ بوویە رێڤەبەرێ قوتابخانا دێرەشێ،لسالا 1982ێ بوویە رێڤەبەرێ قوتابخانا ل دەڤەرا مانگێشکێ،لسالا 1988ێ بوویە رێڤەبەرێ قوتابخانا چەم بەرەکات لکۆمەلگەها خانکێ،لسالا 1991ێ بوویە رێڤەبەرێ قوتابخانا زەینیات لکۆمەلگەها خانکێ لدەڤەرا سێمێلێ،لسالا 1995ێ بوویە رێڤەربەرێ قوتابخانا چەم بەرەکات ل خانکێ،ل 21/6/1997 بوویە سەرپەرشتیارێ پەروەردەیی ل رێڤەبەریا گشتی یا پەروەرردا پارێزگەها دهۆکێ بۆ زانین یەکەم سەرپەرشتیارێ بابەتێ ئێزدیاتیێ بوویە،لسالا 2004ێ بوویە رێڤەبەرێ پەروەردا قەزا شنگال یا زمانێ کوردی،لسالا 2006ـ 2007ێ باوەرناما بکالۆریۆسێ ژ کولیژا پەروەردێ ل موسل/پشکا پەروەردە و دەروون بدەستخۆڤە ئانیە،لسالا 2008ێ بوویە رێڤەبەرێ پەروەردا قەزا تلکێفێ یا زمانێ کوردی هەتا وەغەرکرنا وی،لسالا 2010ێ باوەرناما ماستەرێ بزانستێن دەروونی و پەروەردەیی ژ زانکۆیا(الحرة) یا هۆلنەدی وەرگرتیە.
2ـ ژلایێ رەوشەنبیریڤە: لسالا 1983ێ ئێکەم نڤیسینا خۆ دگۆڤارا کارواندە بەلاڤکریە و هەتا وەغەرکرنا ویژی لسەر کارێ نڤیسینێ یێ بەردەوام بوویە،ژ سالا 1997ێ هەتا سالا 2007 ێ ئەندامێ دەستەکا رێڤەبەریا بنگەهێ لالش یێ رەوشەنبیری و کۆمەلایەتی بوویە لدهۆکێ،ژسالا 2001ێ هەتا سالا 2002ێ جێگرێ سەرنڤیسکارێ گۆڤارا لالش بوویە،ژسالا 2002ێ هەتا سالا 2007ێ سەرنڤیسکارێ گۆڤارا لالش بوویە،ژسالا 1999ێ هەتا سالا 2004ێ ئامادەکار و پێشکێشکارێ پرۆگرامێ چرابوویە ل تەلەڤزیۆنا سەتەلایتا کوردستان،لسالا 1979ێ بوویە ئەندامێ ئێکەتیا مامۆستایێن کوردستانێ تایێ دهۆک،لسالا 1998ێ بوویە ئەندامێ سەندیکا رۆژنامەنڤیسێن کوردستانێ لقێ دهۆک و هەر لهەمان سالدە بوویە ئەندامێ ئێکەتیا نڤیسەرێن کورد ـ تایێ دهۆک،تیپا ئادیان یا فۆلکلۆری لسالا 1998ێ لسەر دەستێن وی هاتیە دامەزراندن و هەتا سالا 2000ێ سەرۆکاتیا وێ کریە،خودانێ ئمتیازا گۆڤارا(مەحفەل)یا ڤەکۆلینا یا سەربەخۆ و گۆڤارا(شەمالک)یا پەروەردا تلکێفێ بوویە،بدەهان ڤەکۆلین و گوتار و نڤیسین درۆژنامە و گۆڤارێن کوردستانێدا بەلاڤکرینە،بدەهان چاڤێپێکەفتن و مێڤانداری ل تەلەڤزیۆن و رادیۆیێن کوردستانێ کرینە،بدەهان سمینار لکوردستانێ و دەرڤەیی کوردستانێ پێشکێش کرینە،بدەهان خەلات و باوەرنامێن رێزلێنانێ وەرگرتینە.
ــ بەرهەمێن وی یێن چاپکری.
1ـ سەرهاتی و غەریبیا خەنسێ و رەشۆ/1999ێ.
2ـ بازيد البسطامي الاختيار عند الايزيدية/2000ێ.
3ـ لالش دسترانا دیرۆکی یا کوردیدا/2000ێ.
4ـ ئێزدیاتی دمەم و زینا خانی دا/2003ێ.
5ـ ئێزدی و خووندنا ئێزدیاتیێ/2007ێ.
6ـ نوورا ئەلەگەزێ،دکتۆر ئەسکەرێ بۆیک(ڤەگوهاستن ژ لاتینی)/2010ێ.
7ـ شنگال وەک قوتابخانا سترانا فۆلکلۆری یا کوردی/2011ێ.
8ـ ئێزدیاتی بۆ زارۆکێن ئێزدیان ب لاتینی/2014ێ.
9ـ سەرۆکاتیا لیژنا دانان و بەرهەڤکرنا پرۆگرامێ خووندنا ئێزدیاتیێ کریە یێ کو ل قوتابخانێن کوردستانێ قوتابیێن ئێزدی دخوونن.
10ـ ستران وەک هاندەرەک دشەراندا(شەرێن سەر شنگال وەک نموونە)/2019ێ.
11ـ پیر رەشێ حەیران(ژیان و بەرهەم)/2019ێ.
12ـ دەڤەرا شنگال/2019ێ.
13ـ ژ بەفرێ بۆ خوونێ(هندەک بوویەرێن کۆمکوژیا ئێزدیان ل شنگال)/2019ێ.
14ـ چرا(کۆمەکا گوتار و ڤەکۆلینان لدۆر ئێزدیان و ئێزدیاتیێ)/2019ێ.
15ـ فەرهەنگا رێسان(کوردی ـ عەرەبی)/2019ێ.
16ـ شرۆڤەیا قەولێن ئێزدیان/2019ێ.
هەژی گۆتنێ یە هەر نەهـ بەرهەمێن وی یێن داویێ پشتی وەغەرکرنا وی ژبال کورێ وی یێ نڤیسکار(کۆڤان خانکی)ڤە هاتینە وەشاندن،پشتی ژیەکێ درێژ ل و خەباتەکا مەزن ل بوارێ نڤیسینا مێژوو و فۆلکلۆر و ئەدەب و تێکستێن پیرۆزێن ئێزدیان نڤیسکارێ ژێهاتی ل رۆژا ٢٨ی چریا دووێ چووییه بەردلۆڤانیا خودێ.
تُتاح هذه الصورة أيضا في: کوردی
