ل كه‌مپا قاديا سميناره‌كا جه‌ماوه‌رى ل دۆر پشكدارى و هشيارييا خه‌لكى دهه‌لبژارتنان دا هاته گێڕان
تۆرا لالش:
دوهى ڕۆژا پێنج شه‌مبوويێ 23ى چريا دووێ 2023،بنگه‌هێ لالش تايێ سنوونێ و نڤيسينگه‌ها لالش دووگرێ سميناره‌كا جه‌ماوه‌رى ل دۆر هه‌لبژارتنێن ئه‌نجومه‌نێن پارێزگه‌هێن عيراقێ ب تايبه‌ت پارێزگه‌ها نه‌ينه‌وايێ ل قوتابخانا ئاماده‌يا كه‌مپا قاديا يا تێكه‌ل سازكر.
ل به‌راهيێ “سلێمان فانۆ” به‌رپرسێ بنگه‌هێ لالش تايێ سنوونێ دپه‌يڤه‌كێ دا به‌حس ل گرنگيا ڤان هه‌لبژارتنان كر كو جودانه ژ هه‌لبژارتنێن بۆرى،له‌وا ل سه‌ر جڤاكێ مه پێدڤى يه يێ هشيار بت و پشكداريێ بكه‌ت داكو مافێ وان وندا نه‌بت و ده‌نگێ خۆ بده‌نه به‌ربژێران يێن كو نوونه‌راتيا وان يا ڕاسته‌قينه بكه‌ن.
د چارچۆڤێ هه‌لبژارتنێن ئه‌نجومه‌نێن پارێزگه‌هێن عيراقێ ده،بنگه‌هێ لالش تايێ سنوونێ و نڤيسينگه‌هێن بسه‌رڤه هه‌وێن هشياركرنا چاوانيا ده‌نگدانا ده‌نگده‌ران ل كه‌مپان دگێرت.
برياره ل ڕێككه‌فتى 12.18.2023ێ هه‌لبژارتنێن ئه‌نجومه‌نێن پارێزگه‌هێن عيراقێ بێنه ئه‌نجامدان.
تُتاح هذه الصورة أيضا في: کوردی
