ل كۆمه‌لگه‌ها شاریا چالاكيه‌ك ل دۆر هه‌وا نەهێلانا توندوتیژیێ هاتە ئه‌نجامدان
تۆڕا لالش:
ب مه‌ره‌ما هشياركرنا خه‌لكى،چالاكيه‌ك ل دۆر هه‌وا نەهێلانا توندوتیژیێ ل كۆمه‌لگه‌ها شاريا هاتە سازكرن و تێدا چه‌ند په‌نه‌لێن جودا جودا هاتنه ئه‌نجامدان.
ب ئامادەبوونا چەندین کەسانێن کچ و ژن و مامۆستا و خەلکێ ئاوارەیێن شنگالێ و کۆمەلگەهێ،ئيرۆ ڕۆژا پێنج شه‌مبوويێ 23چريا دووێ 2023،بنگەهێ لالش تایێ شاریا ب هەڤکاری دگەل ڕێکخراوا( the lotus flower) سمینارەك ل دۆر 16 ڕۆژێن نەهێلانا توندوتیژیێ سازکر.
دپەنەلێ ئێکێ دا”دلگه‌ش سه‌ليم” بەرپرسێ بنگەهێ لالش تايێ شاريا باس ل ڕۆلێ بنگەهێ لالش کر کا چەند هاریکاریا ئاوارەیێن شنگالێ و کۆمەلگەهێ کریە ژلایێ کۆمەلایەتی دگەل ڕیهـ سپی و موختارێن دەڤەرێ.
هه‌روه‌سا دپەنەلێ دووێ دا م”قدم فه‌لاح” ژلایەنێ یاسایى ڤە به‌حسكر و دياركرکو ئەڤ کەسێن توندوتیژیێ بکاردئینن کا دێ سزایێ وان چ بت،چەندین ورکشۆپ ل سەر نەهێلانا توندوتیژیێ پێشکێشى خەلکێ خۆ کرینە ب تایبەت ل قوتابخانەیان بۆ قوتابیان ژبەرکو ئەو پتر پێدڤی ب ڤان ئامۆژگاريانه،ديسان جۆرێن توند وتیژیێ کا ب چ ڕێ توندوتیژی دئێتە کرن و چاوا سەرەدەریێ دگەل بکەن و ڕێيێن چارەسەرکرنا وێ،ئاماژه دا وێ چه‌ندێ هەکە توندوتیژیەکا دژوار ل کەسەکی هاتە کرن پەیوەندیێ ب ڕێڤەبەریا توندوتیژیێ بکەن هژمارە 119 سکالایێ ل سەر وی کەسی تۆمار بکەت یێ توند و تیژیێ لێ دکەت.
دپەنەلێ سێيێ دا چالاکڤانا كچ “ناڤین سموقی” چه‌نده‌كێ ل سه‌ر حالەتێن توندوتیژی و خۆکوشتنێ ئاخفت و دياركر كو ئەڤ دەزگەهـ و کەسێن ورکشۆپ و چالاکيێن ل سەر توندوتیژیێ پێشکێشی خەلکێ خۆ دکەن پێدڤيه شارازەیەکا باش ل سەر توندوتیژيێ هەبت و چاوا بزانت بگەهینته خەلکەکی.
پاشان هەر سێ مێڤانێن سمینارێ هاتن ڕێزلێنا کرن ژلایێ ڕێکخراوا ناڤبرى ڤه.
هه‌ر ديسان ل داويا چالاكيێ پێشانگەهەکا وێنەیان ژلایێ ئەندامێ بنگەهی خالد خودێدا ڤە هاته ڤه‌كرن.
تُتاح هذه الصورة أيضا في: کوردی
