دسميناره‌كێ دا (چاوانيا سەرەدەریکرنا گەنجان ل گەل سۆشیال میدیایێ) دئێته به‌حسكرن
تۆڕا لالش:
نڤيسينگه‌ها لالش ئێسيا،ئيرۆ ئێك شه‌مبوويێ 19ى چريا دووێ 2023،سميناره‌ك ل دۆر(چاوانيا سەرەدەریکرنا گەنجان ل گەل سۆشیال میدیایێ) بۆ “كاروان باعه‌درى” به‌رپرسێ ڕاگه‌هاندنا ده‌سته‌يا بلندا بنگه‌هێ لالش و ب ئاماده‌بوونا كۆمه‌كا قوتابيێن ئاماده‌يى ڕێكخست.
دسمينارا خوه دا به‌رپرسێ ڕاگه‌هاندنا بنگه‌هێ لالش ب تێر و ته‌سه‌لى به‌حس ل چاوانيا سەرەدەریکرنا گەنجان ل گەل سۆشیال میدیایێ دڤى سه‌رده‌مى دا بۆ قوتابيان كر و دياركر كو بكارئينانا سۆشیال میدیا وه‌ك مینبه‌ره‌كى تا تاك بكارت بیرو بۆچۆنێن خۆ تێدا ب سه‌ربه‌ستى و ئازادى بێژت و ده‌ربرت و به‌لاڤ كه‌ت،نۆكه ژى سۆشیال میدیا جيه‌كێ زۆر گرتيه دناڤ مه‌دا،هه‌ر تاكه‌ك و هه‌ر كۆمه‌له‌ك ب شێوه‌یه‌كى بكاردئينن،هه‌م بۆ زانینا نووياتيان و هه‌م بۆ زانینا سیاسه‌تا ڕۆژه‌ڤێ و هه‌م ژى بۆ ده‌رخستنا چالاكى و كارێن ڕۆژانه‌يێن تاكى،هه‌رديسان بۆ نيشاندانا كار و چالاكيێن خۆ يێن ڕۆژانه دناڤ سۆشيالێ دا.
باعه‌درى ئه‌و ژى گۆت نۆكه سۆشیال میدیا و ب تایبه‌ت فه‌یسبۆك و تویته‌ر و ئینستگرام ڕێ گه‌له‌ك كورتكرينه بۆ هندێ تاك تاكو بكارت بیرو بۆچۆنێن خۆ ده‌رببرت.
پاشان ده‌رگه‌هێ دانوستاندن و گه‌نگه‌شێ دناڤبه‌را سميناربێژى و ئاماده‌بوويان دا هاته ڤه‌كرن و پشتى ئاڕاسته‌كرنا پرسياران به‌رسڤ ل سه‌ر هه‌موويان هاته دان.
تُتاح هذه الصورة أيضا في: کوردی
