هاریکاری ل سەر زێده‌ترى 115 زارۆکان هاتنە بەلاڤکرن
تۆڕا لالش:
ب ئارمانجا پتر خزمەتکرنا تەخا زارۆکان یێن کو خێزانێن وان دەست کورت،دوهى ڕۆژا ئينيێ 17ى چريا دووێ 2023،ل هۆلا لالش ئێك بنگەهێ لالش تایێ شاریا ب هەڤکاری دگەل دەزگەهێ خێرخوازیێ بارزانی ئۆفیسا دهۆك،هاریکارى ل سه‌ر 115 زارۆکێن ساڤا به‌لاڤكرن.
بنگەهێ لالش تایێ شاریا ب هەڤکاری دگەل مامۆستا سه‌لاح حه‌سه‌ن جێگرێ دەزگەهێ خێرخوازیێ بارزانی ئۆفیسا دهۆك و ب ئامادەبوونا “ئێریڤان مەهدی” بەربژارا (PDK) بۆ ئەنجومەنێ پارێزگەها مووسل ڕابوون ب بەلاڤکرنا هاریکاریان ل سەر زێده‌تر ژ 115 زارۆکێن کەمپا شاریا یا ئاواران يێن ته‌مه‌ن د ناڤبەرا 1 بۆ 3 سالیدا.
ئەڤ هاریکاری پێکهاتبوون ژ( شیر، حەفازە، کولاڤ، دوو جۆرێن مێژۆکان، مکمل غذائي، و گەلەک پێدڤیێن دی).
بۆ زانین ئەڤە چەندین جارن دەزگەهێ خێرخوازیێ بارزانی ب ڕێيا بنگەهێ لالش تایێ شاریا هاریکاریا ئاوارەیان دکەت ب هەموو تەخ و چینێن خۆڤە.
تُتاح هذه الصورة أيضا في: کوردی
