ل بنگەهێ لالش تايێ شێخان هێڤارييهكا ڕەوشەنبيرى هاتە سازكرن
تۆڕا لالش:
بنگەهێ لالش تايێ شێخان و سەنتەرێ ڕەوشەنبيرى ل شێخان،ئيرۆ 15ى چريا دووێ 2023،هێڤارييهكا ڕەوشەنبيرى ب ئامادهبوونا ههژمارەكا زۆر ژ بەرپرس و نوونەرێن دەزگەهێن ميرى و حزبى و ڕەوشەنبيران و مامۆستا و كەسانێن ديار و ڕيهسپى و ماقولێن دەڤەرێ سازكر.
ل دەستپێكێ ئامادەبوويى خۆلهكهكێ سەكنين وهك ڕێزگرتن ل سەر گيانێ پاكێ شەهيدێن كورد و كوردستانێ سەروەرێ وان بارزانيێ نەمر و كاك ئدريسێ هەردەم ساخ ،پاشان پەيڤا بخێر هاتنێ ژلايێ ئازاد موراد بەرپرسێ بنگەهێ لالش شێخان هاته پێشكێشكرن.
د برگهيا ئێكێ دا سمينارەك بۆ مامۆستا “بهختيار زێبارى” ل دۆر ( ڕۆلێ ڕاگەهاندنێ د پارستنا ژينگەهێ دا)هاته گێڕان و تێدا ناڤهاتى دا دياركرن كو پاراستنا ژينگەهێ ئەركێ هەمووانه و يەفەره ل سەر هەر كەسەكى و ب هەر شێوەكى و ب تایبەت راگەهاندكار ل سەر پاراستنا ژينگەهێ بكەت.
ل دووڤدا و دبرگهيا دووێ دا پەرتۆكا(هەر ئێڤار و نامەك ) يا نڤيسەرێ گەنج “سهربهست جهميل” هاته ئيمزاكرن و و نڤيسهرێ پهرتۆكێ ب درێژى بەحسێ ناڤەرۆكا پەرتۆكا خۆ كر و گۆت:پەرتۆكا وى ب ژين و ژيانا مرۆڤى ڤە يە گرێدايە و ژ چەندين وانا بۆ باشكرن و پێشڤەبرنا ژيانا مرۆڤى پێكهاتيە.
ل داويێ هەردوو بەرێز هاتنە خەلاتكرن ژلايێ بنگەهێ لالش تايێ شێخان و سەنتەرێ ڕەوشەنبيرى ل شێخان.
بۆ زانين بەرى چەند ڕۆژان ڕێورەسمێن ئيمزاكرنا پەرتۆكەكا دى بناڤێ (هەلهلوكا چييا ) يا هۆزانڤانێ ناڤدار “كاميران شلى” ل بنگەهێ لالش تايێ شێخان هاتبوو گێڕان.
تُتاح هذه الصورة أيضا في: کوردی