ڕه‌شيد حسێن: دێ كاركه‌ين بودجه‌يه‌كا تايبه‌ت بۆ ده‌ڤه‌را شنگالێ بێته دابينكرن
تۆڕا لالش/هۆگر نه‌جيب 
بەربژارەكێ پارتی دیموكراتی كوردستان بۆ هەلبژارتنێن جڤاتێن پارێزگەهێن عیراقێ ل مووسل ئاشكه‌راكر،كو پارتى كار ل سه‌ر وێ چه‌ندێ دكه‌ت ده‌ڤه‌را شنگال ئێمناهى و ئاڤه‌دانى لێ په‌يدابت.
ڕه‌شيد حسێن قاسم خلف سموقى ، بەربژارێ پارتی دیموكراتی كوردستان بۆ جڤاتا پارێزگەها مووسل بۆ(تۆڕا لالش)گۆت: گه‌نج پاشه‌رۆژا ملله‌تانه له‌وران ب هه‌موو شێوه‌يه‌كى دێ خزمه‌تا هه‌موو ته‌خان كه‌ين ب تايبه‌تى گه‌نجان،چنكو گه‌نج دكارن جڤاكى پێشبێخن، هه‌روه‌سا ده‌ليڤێن كارى ب ڕێيا پرۆژه‌يێن بچووك و ناڤنجى و مه‌زن بۆ گه‌نجان دێ ڤه‌كه‌ين داكو ده‌ڤه‌ر و كۆمه‌لگه‌هێن مه ژلايێ ئابوورى ڤه بێنه ڤه‌ژاندن.
وی بەربژارێ پارتی دیموكراتی كوردستان دياركر؛ پارتيا مه ل سه‌ر وێ چه‌ندێ كار دكه‌ت ده‌ڤه‌را شنگال ئێمناهى و ئاڤه‌دانى لێ په‌يدابت،هه‌روه‌سا دێ كاركه‌ين بودجه‌يه‌كا تايبه‌ت بۆ ده‌ڤه‌را شنگال بێته دابينكرن.
تُتاح هذه الصورة أيضا في: کوردی
