سه‌یدۆ چه‌تۆ :هه‌لبژارتنێن جڤاتا پارێزگه‌ها نه‌ینه‌وا چاره‌نڤیسازن بۆ كوردان
باسنيوز:
به‌رپرسێ دەزگەهێ هه‌لبژاردنا پارتى ل مه‌كته‌با رێكخستنا پارتى نه‌ینه‌وا دیاركر، هه‌لبژاردنێن جڤاتا پارێزگه‌ها نه‌ینه‌وا چاره‌نڤیسازن ژبه‌ركو ئه‌ڤ هه‌لبژاردنە دێ گه‌له‌ك ئاریشه‌یان چاره‌سه‌ر كه‌ن دێ بنه ئه‌گه‌ر ئێدارا شه‌رعى بزڤرته شنگالێ.
سه‌یدۆ چه‌تۆ، به‌رپرسێ دەزگەهێ هه‌لبژاردنا پارتى ل مه‌كته‌با رێكخستنا پارتى نه‌ینه‌وا بۆ (باسنیوز) راگه‌هاند, پارتى خۆ به‌رهه‌ڤ كریه ل مووسلێ بۆ ده‌ستڤه‌ئێنانا هژماره‌كا باشا كۆرسیێن جڤاتا پارێزگه‌ها نه‌ینه‌وا پیشبینێێ دكه‌ین سه‌رجه‌مێ 26 كۆرسیێن جڤاتا پارێزگه‌هێ 7 هه‌تا 8 كۆرسیا پارتێ ده‌ستڤه بینت و كاندێدێن پارتى ل مووسلێ ده‌ست هه‌وا بانگه‌شا هه‌لبژارتنا كریه پارتى بێ جۆداهی ل موسلێ خزمه‌تێ دكه‌ت، پارتى لیستا ئێكى بوویه سه‌ر ئاستێ نه‌ینه‌وا بۆ هه‌لبژاردنێن چویێن په‌رله‌مانێ عێراقێ، ئه‌م پیشبینێ دكه‌ین بۆ هه‌لبژاردناجڤاتا پارێزگه‌هیێن عێراقێ ژى پارتى لیستا ئێكى بیت ل نه‌ینه‌وا.
ئاشكرا كر, كاندێدین پارتى ل شنگالێ هه‌نه و خه‌لكێ شنگالێ نه و مالێن وان ل شنگالێ هه‌نه هه‌تا نوكه چ ئاریشەک چینه‌بوویه بۆ بانگه‌شه‌یا كاندێدان، ده‌مێ ل شنگالێ رێگریێ ل پارتى هاتیه كرن بۆ هه‌وا هه‌لبژاردنا په‌رله‌مانێ عێراقێ ئه‌و ریگریێ بوو ئه‌گه‌ر پارتى پتر ده‌نگان ده‌ستڤه‌بینت ژبەرکو خه‌لكێ شنگالێ پارتى نه وده‌نگی ب لیستا پارتى ده‌ن.
ته‌كه‌ز كر، بۆ هه‌لبژاردنێن جڤاتا پارێزگه‌هیێن عێراقێ ژى دێ خه‌لكێ شنگالێ ده‌نگێ خۆ دانه لیستا پارتى ژبەرکو خه‌لكێ شنگالێ باوه‌رى ب پارتى هه‌یه وپارتى خزمه‌تا شنگالێ دكه‌ت.
دیارژی كر، هه‌لبژاردنێن جڤاتا پارێزگه‌ها نه‌ینه‌وا چاره‌نڤیسازن بۆ كوردان ژبه‌ركو ئه‌ڤ هه‌لبژاردنە دێ گه‌له‌ك ئاریشه‌یان چاره‌سه‌ر كه‌ن دێ بنه ئه‌گه‌ر ئێدارا شه‌رعیى بزڤرته شنگالێ.
سالا 2019ێ جڤاتێن پارێزگه‌هان ل عێراقێ نه‌مان دانانا جڤاتا نوی بۆ پارێزگه‌ها مووسلێ دێ گه‌له‌ك ئاریشه چاره‌سه‌ر بن دێ ئێدارێن شه‌رعى ژی هێنه دانان.
تُتاح هذه الصورة أيضا في: کوردی
