ته‌مموز 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر ده‌یان: دماوێ دوو ڕۆژان دا 116 خێزان ژ كه‌مپا شاریا زڤرینه‌ شنگالێ

پیر ده‌یان: دماوێ دوو ڕۆژان دا 116 خێزان ژ كه‌مپا شاریا زڤرینه‌ شنگالێ

باسنيوز:
رێڤه‌به‌رێ كۆچ وكۆچبه‌ران وبه‌رسڤدانا قه‌یرانا ل پارێزگه‌ها دهۆكێ دیاركر، به‌رنامێ زڤرینا ئاواران بۆ شنگالێ ب رێیا رێكخراوا lom ده‌ست پێكریه‌ ئه‌ڤرۆ 7/11/2023ێ دێ 31 خێزان ژ كه‌مپا شاریا زڤرنه‌ شنگالێ”.

پیر ده‌یان، رێڤه‌به‌رێ كۆچ وكۆچبه‌ر و به‌رسڤدانا قه‌یرانا ل پارێزگه‌ها دهۆكێ بۆ (باسنیوز) راگه‌هاند، گه‌له‌ك ئاواران ل كه‌مپا شاریا و كه‌مپا بیرسف ئێك ناڤێن خۆ بۆ شنگالێ تۆماركرینه‌ لێ پرۆسا زڤرینا ئاواران بۆ شنگالێ گه‌له‌ك سست بوویه‌ ژبه‌ر هاریكاریا ئاواران ناهێـته‌ كرن ده‌مێ زڤرنه‌ شنگالێ نوكه‌ ب رێیا رێكخراوا lom هاریكاریا ئاواران دهێته‌ كرن ده‌مێ زڤرنه‌ سه‌ر جهێن خۆ”.

زێده‌تر گۆت: هه‌تا نوكه‌ پتر 300 هزار ئاوارە د ناڤ 16 كه‌مپاندا ماینه‌ هنده‌ك ژى ژ ده‌رڤه‌ى كه‌مپان دژین هه‌تا نوكه‌ پتر 40 هزار كه‌سێن ئاواره‌ ژ كه‌مپان یێن زڤرینه‌ شنگالێ دبه‌رامبه‌ر دا هنده‌ك ئاواره‌ دووباره‌ ژ شنگالێ زڤرینه‌ كه‌مپان و هاریكاریێن رێكخراوان بۆ ئاواران گه‌له‌ك كێمبووینه‌ ئه‌م داخوازى دكه‌ین پشته‌ڤانیا ئاواران بهێته‌ كرن”.

پیر ده‌یان, ئه‌وژى دیاركر، ڤه‌گه‌ریانا ئاواران بۆ شنگالێ یا به‌رده‌وامه‌ ئاواره‌ بۆ ڤه‌گه‌ریانا شنگالێ د ئازادن هه‌ر ئاواره‌كێ بڤێت دشێت داخوازیا خۆ بۆ زڤرینا شنگالێ پێشكێش بكه‌ت هه‌موو ئاسانكاری بۆ دهێته‌ كرن لێ ئاریشا ئاوارا ئه‌وه‌ کۆ دبێژن ل شنگالێ ئارامى نینه‌ گه‌له‌ك ئاواره‌ هه‌نه‌ خانیێن وان خرابوونه‌ نه‌شێن ڤه‌گه‌رن ئەگەر هاریكاریا وان نه‌هێته‌ كرن بۆ ئاڤاكرنا خانیان”.

رێڤه‌به‌رێ كۆچ وكۆچبه‌ر و به‌رسڤدانا قه‌یرانا ل پارێزگه‌ها دهۆكێ خۆیا كر: به‌ری نوكه‌ ده‌مێ ئاواره‌ زڤرینه‌ شنگالێ خانیێن وان دهاتنه‌ نوژه‌نكرن لێ نوكه‌ خانی ناهێنه‌ نوژه‌نكرن بۆ خه‌لكێ شنگالێ بتنى هاریكاریه‌كا دارایی ژ لایێ رێكخراوان ڤه‌ دهێته‌ دان ده‌مێ ئاواره‌ زڤرنه‌ شنگالێ گه‌له‌ك ئاواره‌ ناڤێن خۆ بۆ شنگالێ تۆماركرینه‌ لێ هه‌مێ نه‌چووینه‌ شنگالێ هنده‌ك ئاواره‌ په‌شێمان بوونه‌ نه‌چوونه‌ شنگالێ”.

ناڤهاتى گۆتژى:” هه‌ر خێزانه‌كا بزڤریته‌ شنگالێ نوكه‌ هزار و 240 دولار بۆ دهێنه‌ مه‌زاختن ئه‌ڤ كوژمێ پاره‌ی ب دوو قۆناغا دهێته‌ دان بۆ وان ئاوارێن کۆ دزڤرنه‌ سه‌ر جهێن خۆ، د قۆناغا ئێكى دا ده‌مێ ئاواره‌ ژ كه‌مپى ده‌ردکەڤن و دچنه‌ شنگالێ 600 دولاران وه‌ردگرن وده‌مێ دگه‌هنه‌ شنگالێ ژى قۆناغا دوویێ وه‌ردگرن، ئه‌ هاریكارێ کێممن ئەگەر هاریكاریا خه‌لكێ شنگالێ بهێته‌ كرن خانیێن وان بهێنه‌ چێكرن و ئارامى په‌یدابیت و رێکكه‌فتنا شنگالێ بجهـ بهێت دێ ئاواره‌ ڤه‌گه‌رن”.

سالا 2014ێ تیرۆرستێن داعشێ هێرشێ سه‌ر شنگالێ كرن د ئه‌نجامدا خه‌لكێ شنگالێ ئاواره‌یێ هه‌رێما كوردستانێ بوون و خه‌لكێ كوردستانێ ده‌رگه‌هێن مالێن خۆ بۆ ئاواران ڤه‌كرن و ئاواره‌ دناڤ قوتابخانه‌ و مزگه‌فتان هاتنه‌ ئاكنجیكرن و حكومه‌تا هه‌رێما كوردستانێ ژی هه‌می جۆرێن هاریكاری و پشته‌ڤانی ل‌ژ ئاواران كر، هه‌تا نوكه‌ ژى ئاواره‌ دناڤ 16 كه‌مپاندا ماینه‌ ژبه‌ر خرابیا ره‌وشا شنگالێ نه‌شیاینه‌ ڤه‌گه‌رن گه‌له‌ك جاران جڤاتا روحانیا ئێزدیان و ریهسپى و كه‌سایه‌تیێن ئێزدى داخواز ژ گرۆپێن نه‌شه‌رعى كرن کۆ شنگالێ چوول بكه‌ن لێ هه‌تا نوكه‌ ژى ئه‌و گرۆپ دناڤ شنگالێ دا ماینه‌ .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi