ل كۆمهلگهها شاریا ئێڤارييهكا ڕەوشەنبیری دئێته گێڕان
تۆڕا لالش:
ئێڤارييا ئيرۆ شهمبوويێ 4ى چريا دووێ 2023،ل هۆلا لالش ئێك ل كۆمهلگهها شاريا ئێڤارييهكا ڕەوشەنبیری ب چهندين برگهيێن ههمهجۆر هاته گێڕان.
ب ئامادەبوونا ڕێزدار”سهعيد جردۆ”سهرۆكێ دهستهيا بلندا بنگههێ لالش و ئهندامێن دهستهيا بلند و جەماوەرەکێ زۆر ژ نڤیسکار،کەسایەتی، ڕەوشەنبیر، مامۆستا، قوتابیێن زانکۆیان و گوهدار و خووندەڤانێن هەلبەستان،بنگەهێ لالش تایێ شاریا ب هەماهەنگی ل گەل دەستەیا بلند یا بنگەهێ لالش چالاکیەکا هەڤپشك يا ڕهوشهنبيرى گێرا.
ل دەستپێکێ ڕێزدار “سهعيد جردۆ” سهرۆكێ دهستهيا بلندا بنگههێ لالش پەیڤەك پێشکێشکر و تێدا بخێرهاتنا مێڤانان کر و دیارکر كو دێ د بەردەوام بن د پشتەڤانیا چالاکیێن ڕەوشەنبیری و هەر چالاکیەکا دی و سوپاسییا هەڕدوو نڤیسکار و چالاکڤانێن ڕۆژئاڤا كر “عەزیز خەمجڤین” و “بەرکات شنگالی”كر.
ل پێرا سمینارا ئێکێ (دامەزراندنا ئێکەتیا مالێن ئێزدیان ـ سووریا ) ژ ئالیێ چالاکڤان “بەرکات ڕەشۆ” ڤە هاتە گۆتن و تێدا تەکەزکر كو ئەڤ ئێکەتییە دێ خزمەتا ئۆلا ئێزدیان و جڤاکا وان کەت و دێ د هەموو بارودۆخاندا هاریکار و پشتەڤانیا ئێزدیان بن د هەر ڕەوشەکێدا و تێدا قۆناغێن دامەزراندنا ئێکەتیا مالێن ئێزدیان بەحسکر.
بڕگەیا دوویێ ژی هەلبەستڤانێ مەزنێ ڕۆژئاڤا و ڕۆماننڤیس “عەزیز خەمجڤین” بەحسێ سەربۆڕا خۆ یا نڤیسینا هەلبەست و ڕۆمانێ کر،پاشان ئامادەبوویی برنە جیهانەکا پڕ ژ هەستان ژ حنێرا شعریەت و پەیڤێن جوان و کەشەکێ خۆش و بالکێش پێشکێشی ئامادەبوویان کر ب مۆزیک و ب ژەنینا ئامێرێ عودێ ژ ئالیێ مامۆستایێ مۆزیکێ “ناتق سالم” و چەندین هەلبەستێن خۆ ب هەستەکێ خوەش گۆتن.
ل داویێ ژی هەر دوو سمیناربێژ هاتنە خەلاتکرن ب خەلاتێ ڕێزلێنانێ ژ ئالیێ دەستەیا بلند و بنگەهێ لالش تایێ شاریا ڤە و سەرۆکێ بنگەهێ لالش ( سەعید جردۆ ) ئەو خەلات پێشکێشی وان کرن.
تُتاح هذه الصورة أيضا في: کوردی