نڤیسەر و گەڕۆکێ کورد”بەدەل رەڤۆ” ل ناحيا باعه‌درێ به‌حس ل وێستگه‌هێن سه‌ربۆرا خوه دكه‌ت
تۆرا لالش:
مەرەما پتر خزمەتکرنا قوتابیان و خەلکێ دەڤەرێ ، و ئاشناکرنا وان ب سەربۆرا نڤیسەر و خودان خامەیێن زەنگین و سەربۆرا تێدا دەربازکرین،دکەرنەڤالەکا جەماوەری یا زۆر دا، ئیرۆ رۆژا چارشەمبوویێ رێکەفتی (1 /11 / 2023) و ب ئامادەبوونا کارگێرێن لقا 20 یا PDK بەڕێزان (ازاذ اسماعيل خرابي )و (هفال صالح نرمو) و بەرپرسێ لیژنا ناوچا باعەدرێ و کارگێرێن لیژنێ و شاندێ دگەل دا، بەرپرسێ نڤیسینگەها لالش سرێچکا و نڤیسەر و رەوشەنبیرێن دەڤەرێ و پارێزگەها دهۆکێ و تەخا لاوان و مامۆستا و ژمارەکا هەرە زۆرا قوتابیێن ئامادەیا باعەدرێ.
بنگەهێ لالش تایێ باعەدرێ و کارگێریا ئامادەیا باعەدرێ سیمینارەک بۆ نڤیسەر و گەڕۆکێ کورد یێ ناڤدار (بەدەل رەڤۆ) لدۆر (سەربۆرا نڤیسەر بەدەل رەڤۆ دناڤبەرا وەلاتی و جیهانێ) ل هۆلا ئامادەیا باعەدرێ یا تێکەل ل دار خست.
پشتی چەندەکێ راوەستیان وەک رێزگرتن بۆ شەهیدێن بزاڤا ڕزگاری خوازا کوردی سەرکێشێ وان بارزانیێ نەمر، بەرپرسێ بنگەهێ لالش تایێ باعەدرێ مامۆستا (خلات باعەدری) بخێرهاتنا تەڤایا ئامادەبوویان کر.
لدووڤدا سمیناربێژی کورتیەک ل دۆر ژیانناما خۆ بەحس کر، پاشی رۆناهی ئێخستە سەر ویستگەهێن هەرە گرنگین سەربۆرا تێدا دەربازکری چی ل وەلاتی یان ل وەلاتێن جیهانی مینا (کازاخستان، مەکسیک، هند، نەمسا، پتریا وەلاتێن ئەورپی، میسر، مەغرەب… هتد) ، نەخاسمە ئەو پرس و بابەتێن گرێدایی ڕەوشا مامۆستا و قوتابیان و رۆل و باندۆرا وان دناڤا جڤاکان دا و چەندین نموونە ل گەلەک وان وەلاتان ئینا زمان ئەوێن قەستا وان کری و ئەو سەربۆرا ل وان وەلاتان تەڤلی گۆتن و پەیڤێن خۆ کرن.
ژلایەکێ دیتر ڤە سەربۆرەکا زەنگین و بالکێش ل گەلەک وەلاتان ژ لایەنێن جودا جودا بۆ ئامادەبوویان بەحسکر و تەکەز کر کو ئاشناکرنا ڤێ تەخا گرنگ و خەلکێ مە ب ژیانا گەلان وەک ئەرکە ل سەر شانێ من.
پاشی دەرگەهێ دان و ستاندنێ دناڤبەرا سمیناربێژی و ئامادەبوویان ب ژمارەکا هەرە زۆرا پرسیاران دەستپێ ژر کو ئەڤ سمینارە پتر زەنگین کر.
د تەورەکێ دیتر هۆزانڤانێ دەڤەرێ بەڕێز (کامیران شلی) کۆپلە هۆزانەکا خۆ ل سەر نڤیسەر بۆ ئامادەبوویان خواند کو بەری نها ل سەر گەڕۆکێ کورد نڤیسی بوو دکەش و هەوایەکی بێ دەنگ و جیاواز دا سەرنجا نڤیسەری و ئامادەبوویان کێشا.
ل داویێ ژی هەمبەر کەد و خزمەت و ماندووبوونا سمیناربێژی د ناساندنا کەلتورێ مللەتێ کورد ب مللەتێن جیهانێ و خزمەتکرنا مللەتێ خۆ، ب قەڵغانێ ڕێزلێنانێ ڕێز لێ هاتە گرتن.
تُتاح هذه الصورة أيضا في: کوردی
