ل كهمپا شاریا هاريكارى ل سهر زارۆكان هاتنه بهلاڤكرن
تۆڕا لالش:
ب ئارمانجا يتر خزمهتكرنا تهخا زارۆكان و سفككرنا بارێ خێزانێن وان،ل كهمپا شاريا يا ئاوارهيێن شنگالێ هاريكاريێن ههمهجۆر ل سهر زێدهترى 40زارۆكان هاتنه بهلاڤكرن.
ئيرۆ ئينيێ 27ى چريا ئێكێ 2023،بنگەهێ لالش تایێ شاریا ب هەڤکاری دگەل “سهلاح حهسهن” جێگرێ دەزگەهێ خێرخوازی یێ بارزانی ئۆفیسا دهۆكێ،هاریکاری گەهاندنە زێدهترى 40 زارۆکێن کەمپا شاریا یا ئاوارهيێن شنگالێ ئەوێن تهمهنێ وان دناڤبەرا 1 بۆ 3 سالى دا.
هاریکاريێن هاتينه بهلاڤكرن پێکهاتبوون ژ( شیر، حەفازە، کولاڤ، دوو جۆرێن مێژۆکان، مکمل غذائي) و گەلەك پێدڤیێن دی.
ئارمانج ژ ڤێ چالاکیێ پتر خزمەتکرنا تەخا زارۆکان یێن کو خێزانێن وان دەست کورت و پێدڤێ ب ڤان جۆرە هاریکاریان هەی.
بۆ زانین ئەڤە چەندین جارن دەزگەهێ خێرخوازی یێ بارزانی ب ڕێيا بنگەهێ لالش تایێ شاریا هاریکاریا ئاوارەیان دکەت ب هەموو تەخ و چینان ڤه.