پارێزگاریا ئە‌نقه‌ره: زارۆكه‌كا ئێزدی ژ مالباته‌كا داعشێ هاته وه‌رگرتن
هه‌ولێر (رووداو) –
پارێزگاريیا ئە‌نقه‌ره‌یێ راگه‌هاند, زارۆكه‌كا كوردا ئێزدی یاكو راده‌ستی مالباته‌كا داعشێ هاتبوو كرن جاره‌كا دى هاتیه وه‌رگرتن، د نۆكه‌دا ئه‌و زارۆك ل بن پاراستنا وه‌زاره‌تا مالبات و خزمه‌تێن جڤاكی دایه.
ل ئە‌نقه‌رایا پایته‌ختا توركیا, سباتا 2021ێ پۆلیسان (س ۆ) به‌رپرسێ داعشێ ده‌سته‌سه‌ر كر و زارۆكه‌كا هه‌فت سالى يا ئێزدی ژ ده‌ستێ وى رزگار كر.
زارۆكا كورد ئا ئێزدی ل وێ ده‌مێ ژ بۆ پاراستنێ راده‌ستی وه‌زاره‌تا مالبات و خزمه‌تێن جڤاكی هاتبوو كرن.
ل په‌ى نووچه‌یا ئارت گه‌رچه‌كێ, پشتی به‌رپرسێ داعشێ سابباه ئالی و عوروچ هاتيه به‌ردان زارۆكا ئێزدی جاره‌كه دى راده‌ستی مالباتا داعشێ هاتبوو كرن .
ئه‌ڤ یه‌ك د ميدیایا جڤاكی ده بوو سه‌ده‌ما گه‌له‌ك نه‌رازیبوونان.
دۆزا سه‌باح عه‌لى عوروچى يێ داعشی, دوهى د 15ه‌مین دادگه‌ها جه‌زایا گران ئا ئە‌نقه‌ره‌یێ هات كرن و ب بریارا دادگه‌هێ جاره‌كه دن هاتنه گرتن.
و نۆكه د بن پاراستنێ دانه.
پارێزگاریا ئە‌نقه‌ره‌یێ ل سه‌ر سه‌باح عه‌لى عوروچى دياركريه كو كچا ئێزدی ژ شه‌نگالێ ره‌ڤاندينه و خوه‌ستينه ل سه‌ر مالپه‌را ئینته‌رنێتێ یا (دارك وه‌ب) بفرۆشن و لێ هاتينه گرتن، زارۆكا ئێزدى ژ وان هاته وه‌رگرتن و نۆكه ل بن پاراستنێ دايه.
وه‌زاره‌تا خزمه‌تێن مالبات و جڤاكی یا توركیا ژی ده‌رباره‌ى ڤێ مژارێ د راگه‌هاندييه: وه‌لاتیێ بیانی س.ۆ. ل سه‌ر ئیدایێن ل سه‌ر ميدیایا جڤاكی ژ ئالیێ رێڤه‌به‌ریا ئەولههیێ یا ئە‌نقه‌ره‌یێ ڤه ل مالا خوه هاتیه گرتن و زارۆكا بیانی بناڤێ .س.ۆ. ژی ژ ئالیێ وه‌زاره‌تا مالبات و خزمه‌تێن جڤاكی ڤه هاتیه وه‌رگرتن و د بن پاراستنێ ده یه.
مالباتا داعشێ ل سالا 2017 كچا ئێزدی ژی لگه‌ل خوه ره‌ڤاندبوو و بربوو تركیا، پشتی كو وان ل سالا 2021ێ ل سه‌ر ئینته‌رنێتێ راگه‌هاندى دێ وێ كچێ فرۆشن ژ ئالیێ هێزێن ئەولههیێ یێن تركیا‌یێ ڤه هاتبوون ده‌سته‌سه‌ركرن.
به‌رپرسێ داعشێ سه‌باح عه‌لى عوروچ پشتی كو ده‌مه‌كێ د گرتیگه‌هێ ده مايى جاره‌كا دى ژى هاتبوو به‌ردان.
كهچا كوردا ئێزدی ژی پشتی كو ده‌مه‌كێ د بن پاراستنا وه‌زاره‌تا مالبات و خزمه‌تێن جڤاكی ده مايى جاره‌كا دى راده‌ستی مالباتا داعشێ هاتبوو كرن.
رێكخراوا تيرۆرستى يا داعشێ ل 3ێ ته‌باخا 2014 هێرشی شنگالێ كر و كۆمكوژی ئه‌نجام دان، ل په‌ى ئامارێن ئۆفیسا رزگاركرنا كوردێن ئێزدی, 6 هه‌زار و 227 كوردێن ئێزدی ژ ئالیێ داعشێ ڤه هاتنه ره‌ڤاندن كو 3 هه‌زار و 358 ژ وان ژن و 2 هه‌زار و 869 ژی زه‌لامن.
حسێن قايدى به‌رپرسێ ئوفیسا رزگاركرنا ره‌ڤاندیان ل 27ێ ئیلۆنا 2023ێ راگه‌هاند, “ژ 6 هه‌زار و 227 كه‌سێن هاتينه ره‌ڤاندن هه‌تا نۆكه 3 هه‌زار و 574 كه‌س هاتينه رزگاركرن.”
تُتاح هذه الصورة أيضا في: کوردی
