ل كه‌مپا شاريا ۆرکشۆپەك ل دۆر ئه‌گه‌رێن خۆكوشتنێ دئێته سازكرن
تۆڕا لالش:
ل كه‌مپا شاريا يا ئاواره‌يێن شنگالێ،ۆركشۆپه‌كێ ل دۆر ئه‌گه‌رێن خۆكوشتنێ و چاوانيا چاره‌سه‌ريێ هاته سازكرن.
بنگەهێ لالش تایێ شاریا ب هەماهەنگی دگەل ڕێکخراوە نوپێل ب هەڤکاری دگەل ڕێکخراوا ئێمە،ۆرکشۆپەك ل دۆر خۆکوشتنێ سازكر،ب ئامەدەبوونا هه‌ژماره‌كا ڕزگاربوویێن ژ دەستێ داعش و کچێن ئاوارە ل کەمپا شاریا.
د ۆرکشۆپێ دا پارێزەر سوزان خودێدا ب تيروتەسەلی باس ل ئەگەرێن خۆکۆشتنی و توندوتیژیا دژی ئافرەتێ کر و دادیارکرن کو فاکتەرێ سەره‌کی میناتێکچوونا بارێ ئابووری و ژێکدابرانا خێزانێ و ئالۆده‌بوونا ئەندامێن خێزانێ و بێ هيڤیبوونێ ژ ژیانێ ئەگەرێ سەرەکی یێن خۆکوشتنێ نه.
پاشان ده‌رگه‌هێ گه‌نگه‌شێ هاته ڤه‌كرن و بۆچۆنێن ئاماده‌بوويان هاتن وەرگرتن کا چ بێت کرن ژبۆ كێمكرنا حالەتێن خۆکۆشتنێ دناڤ جڤاكى دا.
تُتاح هذه الصورة أيضا في: کوردی
