ل بنگه‌هێ لالش خورتکرنا دادپه‌روه‌ريێ وڕەوشەنبیریا هەڤنشتیمانیبوونێ ل ناڤ پێکهاته‌يێن کوردستانێ دا دئێته گه‌نگه‌شه‌كرن
تۆڕا لالش/دهۆك
ئێڤارييا ئيرۆ ڕۆژا ئێك شه‌مبوويێ 22ى چريا ئێكێ 2023،ل په‌رتۆكخانا پير خدر ل بنگه‌هێ لالش ل دهۆكێ ڕوونشتنەکا دانوستاندنێ ژبۆ شاندێ کۆمەلا کوردی ل ئەلمانیا KES هاته ڕێكخستن.
ب ئاماده‌بوونا ڕێزدار “سه‌عيد جردۆ”سه‌رۆكێ ده‌سته‌يا بلندا بنگه‌هێ لالش و ئه‌ندامێن ده‌سته‌يا بلند و به‌رپرسێن تايێن لالش و بژاره‌یەکا ڕەوشەنبیر وئەکادیمیێن ئێزدیان،دڤێ ڕوونشتنێ دا چه‌ندين بيرورا هاتن پێشكێشكرن و پێشنياركرن سه‌باره‌ت پرۆژەیێ کۆمەلا ناڤهاتی یێ ب پشتەڤانیا وەزارەتا دەرڤەیا ئەلمانیا هاتیە ئامادەکرن.
شاندێ کۆمەلا کوردی ل ئەلمانیا ب مەرەما گەنگەشەیا ڕەشنڤیسا دەستپێشخەریەکا وان ل دۆر خورتکرنا دادپه‌روه‌ريێ وڕەوشەنبیریا هەڤنشتیمانیبوونێ ل ناڤ پێکهاتێن کوردستانێ دا و ل دۆر پرۆژه‌يێ خوه سەرەدانا بنگەهێ لالش کرينه.
تُتاح هذه الصورة أيضا في: کوردی
