ل هه‌ولێرێ كۆنفرانسێ پێشه‌ڕۆژا ئێزديان ل كوردستانێ و عيڕاقێ هاته گێڕان
تۆڕا لالش:
ئيرۆ شه‌مبوويێ 21ى چريا ئێكێ 2023،ل هه‌ولێرا پايته‌خت كۆنفرانسێ پێشه‌ڕۆژا ئێزديان ل كوردستانێ و عيڕاقێ و ژ ده‌رڤه هاته گێڕان و تێدا چه‌ندين پرسێن گڕێدايى ب ڕه‌وش و پاشه‌رۆژا ئێزديان ڤه هاتنه گه‌نگه‌شه‌كرن.
ب مه‌ره‌ما ئاڤاكرنا باوه‌ريێ ژبۆ پێكڤه‌ژيانه‌كا ئاشته‌وايى و ئاشتيانه دناڤبه‌را ئێزديان و موسلمانان دا،كۆنفرانسێ پێشه‌ڕۆژا ئێزديان ل كوردستانێ و عيڕاقێ ل هه‌ولێرێ ژلايێ تۆڕا هه‌ڤپه‌يمانى يا كێمينه‌يێن عيراقێ(AIM) و كۆمه‌لا كوردى يا ئه‌ورۆپى(KES) ڤه هاته گێڕان،ب ئاماده‌بوونا هه‌ژماره‌كا كه‌سايه‌تيێن سياسى و جڤاكى و ڕێزدار “سه‌عيد جردۆ” سه‌رۆكێ ده‌سته‌يا بلندا بنگه‌هێ لالش و “د.فارس كتى”و ده‌خيل نايف” و “داود موراد خه‌تارى” ئه‌ندامێن ده‌سته‌يا بلندا بنگه‌هێ لالش.
دڤى كۆنفرانسى دا چه‌ندين بير و بۆچون لێكهاتن گوهارتن و پێشنيار بۆ ديتنا ڕێگه چاره‌سه‌ريێ ب تايبه‌ت بۆ ڕه‌وشا شنگالێ هاتن پێشكێشكرن.
تُتاح هذه الصورة أيضا في: کوردی
