(( ل بنگەهێ لالش تايێ شێخان دوو بەرهەمێن ئەدەبی هاتنە ئيمزاكرن))
تۆرا لالش:
ئيرۆ دووشهمبوويێ 9ى چريا ئێكێ 2023،بنگەهێ لالش تایێ شێخان و ڕێڤەبەریا ڕەوشەنبیری و هۆنەری ل شێخان،هێڤارييهكا ڕەوشەنبیری ب ئیمزاکرن وبهلاڤكرنا دوو بەرهەمێن ئەدەبی سازکر.
ب ئامادەبوونا بەرێزان “کهریم سلێمان” بریکارێ وەزارەتا چاندنێ و ژێدەرێن ئاڤێ و “سهردار شێخ یحیی” قائیمقامێ قەزا شێخان و “صالح حيدر” بەرپرسێ لقا 20يا پارتى و “سهعید جردۆ” سهرۆكێ دەستەیا بڵندا بنگەهێ لالش و “فهرهج عثمان” ڕێڤەبەرێ پەروەردا قەزا شێخان و عەقیدێ مافپهروهر” زکریا طيب” ڕێڤەبەرێ بەشێ پۆلیسێن قەزا شێخان و” سفر ئاڤریڤی “بەرپرسێ نڤیسینگەها ڕەوشەنبیری لقا 20 يا پارتى و ژمارەکا کەسانێن ڕەوشەنبیر ژ ئاکرێ و چەندین بەرپرسێن میری وحزبی و مامۆستا و ڕەوشەنبیر و ماقول و ڕیهسپی و مختارێن دەڤەڕێ،بنگەهێ لالش تایێ شێخان و ڕێڤەبەریا ڕەوشەنبیری و هۆنەری ل شێخان هێڤارييهكا ڕەوشەنبیری ب ئیمزاکرن وب بهلاڤكرنا دوو بەرهەمێن ئەدەبی ل بنگەهێ لالش تايێ شێخان سازکرن.
ل دەست پێکێ ئامادەبوويى خۆلهكهكێ سەكنين دگەل سرودا (ئەی ڕەقیب) وەک ڕێزگرتن ل سەر گيانێ شەهيدێن كورد و كوردستانێ و سەڕوەڕێ وان بارزانییێ نەمر و کاک ئدریسێ هەردەم ساخ ، پاشان پەيڤا بخێر هاتنێ ژلایێ “غهزوان الخالتی ” جێگرێ بەرپرسێ بنگەهێ لالش تايێ شێخان ڤه هاتە پێشكێشكرن،د پێڕا چیڕۆکنڤیس “زەکەریا حەمید ئاکرهيى” چیرۆکەک ژ بەرهەمێ خۆ لژێر ناڤێ (تاخێ ئاسۆ) خووند و بەحسێ ناڤهڕۆکا بەرهەمێ خۆ کر و گۆت بابەتێن چیرۆکێن بەرهەمێ وى د گرێداینه ب ژیانێ ڤە و د جۆرا و جۆرن و هەر ئێک ژی ڕامانەکێ ددەت.
هەروهسا هەلبهستڤان “کامیران شلی” هێڤار ب ڕەوش ئێخست پشتی چەندین هەلبەست ژبهرههمێ خۆ يێ دیوانەکا هەلبەستا لژێر ناڤێ ( هەلهەلۆکا چیا ) ب دەنگێ خۆ یێ زێڕین خووندين و ب درێژی بەحسێ ناڤەرۆکا دیوانا خۆ یێ هەلبەستا کر و دا دیارکرن کو دیوانا وی ژ چەندین هەلبەستا پێکهاتیە و بابەتێن وێ د جۆرا و جۆرن ب پێکڤە ژیانێ و دایک و پێشمەرگە و ب سروشت و دار وبەر و نوال و گر و چیایێن کوردستانێ ڤە د گڕێداینە.
ل دووڤدا هەردوو بەرهەمێن ههردوو بهرێزێن ناڤبرى هاتنه ئيمزاکرن و بهلاڤكرن ل سەر ئامادەبوویان و ژبەر کار و بەرهەمێن وان یێن بەرکەفتی و پر بەها هاتنە خەلاتکرن ژلایێ ڕێڤەبەریا ڕەوشەنبیری و هۆنەری ل شێخان و بنگەهێ لالش شێخان ڤە.
هەژی گۆتنێ بەريا چەند ڕۆژان ل بنگەهێ لالش تایێ شێخان ڕێورەسمێن ئيمزاکرنا دیوانەکا دی یا هەلبەستا لژێر ناڤێ ( الحب في ربتکي ) یا هەلبەستڤان و نڤیسەر کهریم سلێمان هاتبوون گێڕان.
تُتاح هذه الصورة أيضا في: کوردی
