شانده‌كێ بنگه‌هێ لالش پشكداريێ دبيره‌وه‌ريا 30 ساڵيا دامه‌زراندنا مالا ئێزديان ل ئۆلدنبۆرگ دكه‌ت
تۆرا لالش:
ل سه‌ر داخوازناما فه‌رمى،ئيرۆ ڕۆژا ئينيێ 6/10/2023،شانده‌كێ ده‌سته‌يا بلندا بنگه‌هێ لالش ل دهۆكێ و بنگه‌هێ لالش ل ئه‌لمانيا پشكدارى د ئاهه‌نگا بيره‌وه‌ريا 30ساڵيا دامه‌زراندنا مالا ئێزديان ل باژێرێ ئۆلدنبۆرگ كر.
شاندێ بنگه‌هێ لالش پێكهاتيبوو ژ به‌رێزان “د.سه‌عيد خودێدا” جێگرێ سه‌رۆكێ بنگه‌هێ لالش و “منيب سه‌يدۆ” ئه‌ندامێ ده‌سته‌يا بلند و “خشۆ ميرزا “به‌رپرسێ بنگه‌هێ لالش تايێ شنگالێ و “كۆڤان گێنجۆ “و هه‌ژار مودير” و “كاميران قاسم” ئه‌ندامێن بنگه‌هێ لالش ئه‌لمانيا،دگه‌لدا مافپه‌روه‌ر “زه‌رده‌شت شێخ شامۆ” ڕێڤه‌به‌رێ ناحيا خانكێ و داى “شه‌مێ” ده‌يكا جانگۆرييان،زێده‌بارى به‌رهه‌ڤبوونا كۆمه‌كا كه‌سايه‌تيێن سياسى يێن ئه‌لمانى و بيانى و ئێزديێن باژێرێ ناڤبرى.
دڕێوره‌سمان دا “د.سه‌عيد خودێدا “جێگرێ سه‌رۆكێ بنگه‌هێ لالش په‌يڤا بنگه‌هێ لالش پێشكێشكر و تێدا پيرۆزباهى ل مالا ئێزديان ل باژێرێ ئۆلدنبۆرگ كر ب هه‌لكه‌فتا بۆرينا 30ساڵان بسه‌ردامه‌زراندنێ و هيڤيا سه‌ركه‌فتنێ بۆ خواست.
مالا ئێزديان ل باژێرێ ئۆلدنبۆرگ خزمه‌ته‌كا مه‌زن دبياڤێن جودا جودا پێشكێشى جڤاكا ئێزديان كريه و ب تايبه‌ت دبوارێ ڕه‌وشه‌نبيرى و كه‌لتۆر و زمانى و لێكۆلين و ڤه‌كۆلينان دا.
تُتاح هذه الصورة أيضا في: کوردی
