ئيرۆ ئێكه‌م ڕۆژا جه‌ژنا جه‌مایێ یه
باسنيوز:
به‌رپرسێ نڤیسێنگه‌ها لالش ژ په‌رستگه‌ها لالش دیاركر، ئه‌ڤرۆ 6/10/2023ێ ئێكه‌م رۆژا جه‌ژنا جه‌مایێ یه ل دەف ئێزدیان بۆ ده‌مێ حه‌فت رۆژان رێوره‌سمێن جه‌ژنا جه‌مایێ ل په‌رستگه‌ها لالش دهێنه گێران”.
لوقمان سلێمان، به‌رپرسێ نڤیسێنگه‌ها لالشێ بۆ (باسنیوز) دیاركر،دڤێ جه‌ژنێدا ئێزدى ژهه‌می ده‌ڤه‌ران قه‌ستا په‌رستگه‌ها لالش دكه‌ن ورێوره‌سمێن جه‌ژنێ دهێنه كرن ل هه‌مێ ئێڤاریان چرایێن ئاقد ونیشانگه‌هێن خاسا دهێنه هه‌لكرن هه‌ر ئێزدیه‌كێ بچته لالش ل خاس و نیشانگه‌هان زیاره‌تێ دبیت ل رۆژا چوارێ ژ جه‌ژنێ په‌رێ دهێته سواركرن ورۆژا پێنچێ ژ جه‌ژنێ رێ و ره‌سمێن قه‌پاغێ دهێنه گێران ل رۆژا شه‌شێ به‌ری شباكێ دهێته سواركرن هه‌ر ئێزدیه‌كێ نه مۆركربیت ب ئاڤا كانیا سپى دهێته مۆركرن “.
ئاشكرا كر، چرا هه‌لكرن نیشانا پیرۆزیا رۆناهی وئاگرییه ل جه‌م ئێزدیان وسه‌ما كیشانا ژ رێورەسمێن دێرینه ناڤ ئێزدیان وقه‌پاغ نیشانا پێشكیشكرنا قوربانییه بۆ خودانێ رۆژێ و مۆركرن فه‌رزه‌كه ژ فه‌رزێن ته‌ریقه‌تێ نیشانه بۆ پاكژکرون وحه‌لالكرنا مرۆڤى”.
تُتاح هذه الصورة أيضا في: کوردی
