شێورمه‌ندێ جڤاتا رۆحانیا ئێزدیان:نيڤه‌كا ئێزدیێن ئۆكرانیا كۆچبه‌ربووينه
باسنيوز:
راوێژكاره‌كێ جڤاتا روحانیا ئێزدیان چاڤپێكه‌ڤتنه‌كێدا بۆ (باسنیوز) به‌حسێ چوونا شانده‌كێ ئێزدیان ومیر حازم ته‌حسین به‌گ بۆ وه‌لاتى ئه‌رمه‌نیا دكه‌ت و دبیژت ژئه‌گه‌رێ شه‌رێ ناڤبه‌را ئوكرانیا و رووسیا و ئەرمینیا نێڤه‌كا ئێزدیان وه‌لاتى ئوكرانیا بجه هێلاینه كۆچبه‌رێ ده‌وله‌تێن ئوروپێ بونه و پتر ژ 100 سالان ئێزدى كۆچبه‌رێ وه‌لاتى ئه‌رمینیا بوونه و میرێ ئێزدیان داخواز ژ ئێزدیێن ئه‌رمینیا كر سه‌ره‌دانا په‌رستگه‌ها لالش ل هه‌رێما كوردستانێ بكه‌ن”.
خالد نه‌رمۆ، راوێژكارێ جڤاتا روحانیا ئێزدیان بۆ (باسنیوز) راگه‌هاند، بۆ پاراستنا زمان و كه‌لتور و داب ونه‌یت وئولا خۆ دێ ئێزدیێن ئه‌رمنیا ل سه ر داخوازیا میرێ ئێزدیان میر حازم ته‌حسین به‌گ سه‌ره‌دانا په‌رستگه‌ها لالش كه‌ن ئه‌ڤه پتر ژ 100 سالان ئێزدى كۆچبه‌رێ وه‌لاتى ئه‌رمینیا بوونه خه‌لكێ ئه‌رمینیا گه‌له‌ك گه‌رمێ پێشوازیا میرى كرن وبه‌حسێ رێكخستنا ئێزدیان وه‌لاتى ئه‌رمه‌نیا هاته كرن ئێزدى وه‌كو هه‌ر وه‌لاتیه‌كێ ئه‌رمه‌نى ئازادن بۆ گێرانا رێ و ره‌سمێن خۆ ئاینێ “.
خۆیا ژى كر، كۆچبه‌ریا ئێزدیان ژ ئه‌رمینیا ژ میژا ده‌ست پێكریه ئێزدى وه‌لاتى ئه‌رمینیا یێن چووینه رووسیا و چه‌ند ده‌وله‌تان، هژمارا ئێزدیان سالێن هه‌شتیان گه‌هشته 60 هزار كه‌سێن ئێزدى ل ئه‌رمینیا بوون لێ نوكه هژمارا ئێزدیان ل ئه‌رمینیا كێمبوویه نوكه هژمارا ئێزدیان ل ئه‌رمینیا دگه‌هته نیزیكێ 40 هزار كه‌سان ئێزدى وه‌لاتى ئه‌رمینیا به‌لاڤبووینه ل سه‌ر روسیا و ئوكرانیا و جورجیا وگه‌له‌ك ده‌وله‌تان هه‌تا فه‌ره‌نسا و ئه‌لمانیا و ئه‌مریكا “.
ئاشكرا ژی كر، ئیزدیێن وه‌لاتى ئوكرانیا ژین سه‌ره‌دانا میرێ ئێزدیان كرن وداخواز ژ میرێ كرن بچته ئوكرانیا وره‌وشا ئێزدیان ببینت هه‌تا 10 هزار ئێزدى ل ئوكرانیا دژین پشتى ره‌وشا شه‌رێ ئوكرانیا رووسیا نێڤه‌كا ئێزدیێن ئوكرانیا كۆچبه‌ر وه‌لاتیێن ئوروپى بوونه هنده‌ك ژى ماینه هیشتا ئوكرانیا دژێن”.
راوێژكارێ جڤاتا روحانیا ئێزدیان، گۆت، میرێ ئێزدیان بۆ هه‌لسه‌نگاندن و دیتنا ره‌وشا ئێزدیان سه‌ره‌دانا گوند و ده‌ڤه‌رێن ئێزدیان ل ئه‌رمه‌نیا كر گه‌له‌ك گه‌نگه‌شه و دان وستاندن بۆ پتر رێكخستنا ئێزدیان ئه‌رمینیا هاتنه كرن ئه‌ڤ سه‌ره‌دانێن میر حازم ته‌حسین به‌گ بۆ دیتنا ره‌وشا ئیزدیێن ئەرمینیا و روسیا و ئه‌مریكا و ئه‌لمانیا وهه‌مى ده‌وله‌تان دژین گه‌له‌ك گرنگن ژبه‌ركو میر حازم گوهداریا گله وگازندیێن ئێزدیان بگشتى دكه‌ت هه‌مى هه‌ولا ده‌ن ئێزدى پتر بنه ئێك وپێكڤه بۆ خزمه‌تا ملله‌تى خۆ كاربكه‌ن”.
تُتاح هذه الصورة أيضا في: کوردی
