ئازار 05, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

د ڕێوڕەسمەکێ ژ هەژی دا 20 ساڵييا دامەزراندنا بنگەهێ لالش تايێ شێخان هاتە ساخكرن

د ڕێوڕەسمەکێ ژ هەژی دا 20 ساڵييا دامەزراندنا بنگەهێ لالش تايێ شێخان هاتە ساخكرن

تۆرا لالش:

ئيرۆ ڕۆژا سێ شەمبوويێ 3ى ئوكتۆربه‌را 2023،د ڕێو ڕەسمەکێ ژ هەژی دا ساڵڤه‌گه‌ڕا دامەزراندنا بنگەهێ لالش تايێ شێخان ب چه‌ند برگه‌يێن جۆرا و جۆر هاتە ساخكرن و بڤێ هه‌لكه‌فتێ ڕێز ل ئەندامێن دەستەکێن ڕیڤەبەر یێن به‌رێ يێن بنگه‌هى هات گڕتن.

ب ئاماده‌بوونا ڕێزدار “سه‌عید جردۆ” سەرۆکێ دەستەیا بڵندا بنگەهێ لالش و بەرێز “سه‌فه‌ر ئەڤریڤی” بەرپرسێ نڤیسینگەها ڕەوشەنبیری يا لقا ٢٠  ل شێخان و بەڕێز “صادق قاسو علو” بەرپرسێ لژنا ناوچا شێخان یا PDK و چەندین بەرپرسێن میری و حزبی و ئەندامیێن ئەنجومەنێ کۆمەلایەتیێ ئێزدیا ل ئێسڤنێ و مامۆستا و ڕەوشەنبیر و ماقوول و ڕیهسپی و موختارێن دەڤەرێ،ئامادەبوويى دەقيقەكێ سەكنين د گەل سروودا ( ئەی ڕەقیب ) وه‌كو ڕێزگرتن ل سەر گيانێ شەهيدێن كورد و كوردستانێ و سەروەرێ وان بارزانیێ نەمر و کاک ئدریسێ هەردەم ساخ،پاشان پەيڤا بخێر هاتنێ و هەلکەفتا دامەزراندنا بنگەهێ لالش ژلايێ “ئازاد موراد” بەرپرسێ بنگەهێ لالش تايێ شێخان هاتە پێشكێشكرن.

هه‌ر بڤێ هه‌لكه‌فتێ ڕێزدار “سه‌عید جردۆ” سەرۆکێ دەستەیا بڵندا بنگەهێ لالش په‌يڤه‌ك پێشكێشكر و تێدا دەست خۆشی و پیرۆزباهیێن خۆ گەهاندنه‌ دەستەکا ڕێڤەبەر و کار و بزاڤ و چالاکی و ڕۆلێ بنگەهێ لالش تایێ شێخان د پێشڤەبرنا ڕەوشەنبیریێ ل دەڤەڕێ ب بەرزی نرخاند.

هه‌ر ديسان د بڕگا ئێکێ دا بریکارێ وەزارەتا چاندنێ و ژێدەرێن ئاڤێ که‌ریم سلێمان کو د بتە ئێک ژ دامەزرێنەر و ئێكەمين بەرپرسێ بنگەهێ لالش د ساڵێن بۆریدا سمينارەك ل دۆر ( ڕۆلێ بنگەهێ لالش تايێ شێخان د پێشڤەبرنا بزاڤا رەوشەنبيریێ ل دەڤەرێ) پێشكێشكر و دیارکر كو بنگەهی د ساڵێن بۆريدا كاريه‌ پەيوەنديێن خۆ د گەل جڤاكی و دەزگەهێن ميرى و حزبى و ڕێكخراوان خورت و موكم بكەت و ناڤێن ژمارەكا كەسا يێن دەرچوويێن پەيمانگەها و كوليژا بگەهينته جيێن پەیوەندیدار،ب مەرەما دامەزراندنێ و بۆ ماوێ چەندين ساڵا خۆ ل نڤيسينێن نڤيسەران بكەته خودان و گۆڤارەكا ڕەوشەنبيرى یا وەرزانه دەرئێخت بناڤێ ( چرايێ لالش ) كو دبته ئێكەمين گۆڤار ل قەزا شێخان دئێتە دەرئێخستن ب زمانێ عەرەبى و كوردى،خوياكر ژى بنگەهێ لالش چەندين جاران هاريكاریا قوتابيێن كوليژ و پەيمانگەهان كريه‌ ب تايبەت ئەوێن د ناڤ بەشێن ناڤخۆیی ل قەزا شێخان چى ب ماددى يان ب مەعنەوى و چەندين خۆلێن بهێزكرنێ و فێركرنا زمانى و كۆمپيۆتەرى و قارمانيێن وەرزشى و بەريكانێن زانستى و ڕەوشەنبيرى و ۆرك شۆپ و ڕونشتنێت ڤەكرى و هێڤاريێن هۆزان خوندنێ و خۆلێن نە هێلانا نەخوێندەواڕیێ ڤەكرينه‌،هه‌ر ديسان ل دەمێ ئاوارەبوونا خەلكێ مه يێ شنگالێ و باشيك و بەحزانێ بنگەهى ڕۆلێ خۆ ديت و هەر ب لەز و لدووڤ شيانێن خۆ دەستێ هاريكاریێ درێژكر.
پاشان دەرگەهێ دان و ستاندنێ ڤەبوو و مامۆستايێ ناڤ هاتى بەرسڤا هەموو پرسيارێن ئامادەبوويان ب سنگەكى بەرفره‌هـ دا.
د برگا دووێ دا ئەندامێن دەستەکێن ڕیڤەبەر یێن بنگەهێ لالش تايێ شێخان يێن د ماوێ ٢٠ سالێن بۆريدا خزمه‌ت كرين، ژبەر ڕۆلێ وان ڕێز لێ هاتە گرتن و ب ئارمێ بنگەهێ لالش هاتنه‌ خه‌لاتكرن.
ل داویێ هەموو ئامادەبوویان كه‌د و خزمه‌ت و رۆڵێ بنگەهێ لالش تايێ شێخان بلند نرخاندن و دەست خۆشی و پیرۆزباهیێن خۆ گەهاندنه‌ دەستەکا ڕیڤەبەرا بنگەهى.

بۆ زانين بنگەهێ لالش تايێ شێخان ل ڕێككەفتى ٣ / ١٠ / ۲۰۰۳ب پشتەڤانییا ڕاستەوخۆ يا حکومەتا هەرێما کوردستانێ و ل سەر دەستێ هه‌ژمارەكا ڕەوشەنبيرێن دەڤەرێ هاتيه‌ دامەزراندن و دبته ئێکەمين بنگەهێ لالش ب سەر دەستەيا بلند یا بنگەهى لالش دهۆک ڤە.

      

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi