ڕێورەسمێن جەژنا جەمایێ ل پەرستگەها لالش دێ ئێنە گێڕان
ئهڤرۆ نيوز:
رێڤەبەرێ گشتی یێ كاروبارێن ئێزدیان دیار كر، ب هەلكەفتا هاتنا جەژنا جەمایێ، بۆ سەرجەم فەرمانبەرێن ئێزدی د ناڤ دام و دەزگەهێن حوكمەتا هەرێما كوردستانێ دا بێهنڤەدانا فەرمی یە بۆ دەمێ حەفت رۆژان.
سعود مستۆ، رێڤەبەرێ گشتی یێ كاروبارێن ئێزدیان ل وەزارەتا ئەوقاف و كاروبارێن ئایینی ل حوكمەتا هەرێما كوردستانێ راگەهاند، ل دووڤ بڕیارا پەرلەمانێ كوردستانێ د ڤێ مەهێ دا بۆ دەمێ حەفت رۆژان بۆ هەمی فەرمانبەرێن ئێزدی بێهنڤەدانا فەرمی یە ژ بەر هاتنا جەژنا جەمایێ و گۆت: «ل نك ئێزدیان ئەڤ جەژنە دكەڤیتە رۆژا 6/10/2023ێ و بۆ دەمێ حەفت رۆژان یا بەردەوامە، لەو حەفتیا بهێت هەمی بۆ ئێزدیان بێهنڤەدانا فەرمی یە و رێورەسمێن جەژنا جەمایێ ل پەرستگەها لالش دێ هێنە گێڕان».
ناڤهاتی ئاشكرا ژی كر، ئێزدیان هەشت جەژن هەنە، ژ وانا ژی: جەژنا سەرسالێ، جەژنا رۆژیێن ئێزی، جەژنا بیلندێ، جەژنا خدر ئلیاس، جەژنا قوربانێ، جەژنا چلێ هاڤینێ، جەژنا زڤستانێ و جەژنا جەمایێ نە.
تُتاح هذه الصورة أيضا في: کوردی
