ب پشكداريا بنگەهێ لالش ڕێوره‌سمێن ده‌ستپێكرنا شه‌شه‌مین ڤيسته‌ڤالا دهۆك یا ڕه‌وشه‌نبیری هاتنه گێڕان
تۆرا لالش/دهۆك
ئيرۆ ٢٤ێ ئه‌یلولا ٢٠٢٣ێ ل هۆلا كۆنفرانسان یا زانكۆیا دهۆك ب چاڤدێریا به‌رێز”د.عه‌لی ته‌ته‌ر” پارێزگارێ دهۆكێ و ب ئاماده‌بوونا به‌رێزان “ماجد سه‌ید سالح” پارێزگارێ دهۆكێ ب وه‌كاله‌ت و “سه‌باح به‌یتولا”جێگرێ به‌رپرسێ مه‌كته‌با ڕێكخستنا پارێزگه‌ها دهۆكێ و سه‌رۆكێ چڤاتا پارێزگه‌هێ و به‌رپرسێ لقا ئێك یا پارتی و به‌رێز “سه‌عيد جردۆ “سه‌رۆكێ ده‌سته‌يا بلندا بنگه‌هێ لالش ب ياوه‌ريا شانده‌كى و هژماره‌كا ڕه‌وشه‌نبیر و هه‌لبه‌ستڤان و هۆنه‌رمه‌ند و نڤیسه‌رێن هه‌رچار پارچێن كوردستانێ،شه‌شه‌مین ڤيسته‌ڤالا دهۆك یا ڕه‌وشه‌نبیری ژلایێ ئێكه‌ریا نڤیسه‌رێن كورد-تایێ دهۆك،ده‌ستپێكر.
دپه‌یڤه‌كێدا به‌رێز پارێزگارێ دهۆكێ ب وه‌كاله‌ت بخێرهاتنا هه‌موو مێڤانان كر و گۆت جهێ خۆشحالیێ یه ئيرۆ پێكڤه ژ هه‌رچار پارچێن كوردستانێ ئه‌م كۆمڤه‌بوین و ئه‌ڤێ ڤيسته‌ڤالێ گرنگیا خوه ل نك جه‌نابێ سه‌رۆك بارزانی هه‌یه ب تایبه‌ت كۆمڤه‌بون و تێكه‌لبونا ته‌خێن هۆنه‌ر و چاند و كه‌لتۆرێن جودا له‌وارن حكومه‌تا هه‌رێما كوردستانێ و ئیدارا پارێزگه‌هێ ژی به‌رده‌وام پالشتیێ دكه‌ت و ده‌ستخۆشی ل ڕێكخه‌رێن ڤيسته‌ڤالێ كر.
ل دوڤدا برگا هه‌لبه‌ست خواندنێ ده‌ستپێكر و چار هه‌لبه‌ستڤانێن كورد هه‌لبه‌ستێن خوه پێشكێشكرن و بریاره ڤيسته‌ڤال بۆ دوو ڕوژان یا به‌رده‌وام بت و تێدا چه‌ند په‌نه‌لێن گرێدايی ئه‌ده‌بیاتا كلاسیك و ڕه‌وشا ئه‌ده‌بێ كوردی و زمانێ كوردی و ئه‌ده‌بێ كلاسیكێ كوردی و هێزا ژنێ د میتولۆژیایا كوردیدا و چه‌ند بابه‌تێن دی دگه‌ل چه‌ند برگه‌یێن هۆنه‌ری دێ ئێنه پێشكێشكرن.
تُتاح هذه الصورة أيضا في: کوردی
