ب ڕێيا بنگەهێ لالش چه‌ندين كێشه ل شێخان دئێنه چاره‌سه‌ركرن
تۆڕا لالش:
ل هه‌موو ڕۆژێن هێڤاريان ژمارەکا زۆر ژ مامۆستا و ڕەوشەنبیر و کەسايه‌تیێن دەڤەرێ سه‌ره‌دانا بنگەهێ لالش تایێ شێخان دكه‌ن و ڕوونشتنێن جودا جودا ل دۆر بابه‌تێن هه‌مه‌جۆر دئێنه ل دارخستن و هه‌تا نۆكه چه‌ندين كێشه هاتينه چاره‌سه‌ركرن.
ب مەرەما هایداربوون ل سەر ڕەوش و بزاڤ و چالاکیێن بنگەهێ لالش تایێ شێخان،ئيرۆ چارشەمبوويێ 20/9/2023،بەرێز” صادق قاسو علو ” بەرپرسێ لژنا ناوچا شێخان یا ( PDK ) و ئه‌ندازيار “مه‌هدى حاجى علو” سەرەدانا بنگەهێ لالش تایێ شێخان کرن و ب گەرمی ژ لایێ بەرێز “ئازاد موراد” بەرپرسێ بنگەهێ لالش و ئەندامێن دەستەکا ڕێڤەبەر ڤە هاتنە پێشوازیکرن.
بۆ زانين ل دەهنێ هێڤاری ل هه‌موو ڕۆژێن هه‌فتيێ ژمارەکا زۆر ژ مامۆستا و ڕەوشەنبیر و کەسايه‌تیێن دەڤەرێ ل بنگەهێ لالش تایێ شێخان ئامادە دبن و دان و ستاندنێ ل سەر بابەتێن جۆرا و جۆر دکەن و ب تایبەت بابەتێن ڕەوشەنبیری و کۆمەڵایەتی.
هەروەسا نە بۆ جارەکێ بەلكو بۆ چەندین جاران ئاریشە ژی دڤان ڕوونشتنان دا هاتینە چارەسەرکرن.
تُتاح هذه الصورة أيضا في: کوردی
