شوبات 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نڤيسه‌ره‌ك داتا و زانيارييان ل سه‌ر ئاوارێن ئێزدى ل كه‌مپان ديكيۆمێنت دكه‌ت

نڤيسه‌ره‌ك داتا و زانيارييان ل سه‌ر ئاوارێن ئێزدى ل كه‌مپان ديكيۆمێنت دكه‌ت
تۆرا لالش: هۆگر نه‌جيب
فارس شه‌علان نڤيسه‌ره‌كێ ئێزدييه و ل سالا 1993ێ ل سنوورێ ناوچه‌داريا سنوونێ ل شنگالێ ژ دايك بوويه‌، پشتى ناما ماسته‌رێ ب سه‌ركه‌فتيانه‌ ئه‌نجام دايى بنگه‌هێ لالش ب ئه‌ركێ چاپكرنا ناما وى رابوو و كره‌ په‌رتۆك، د ديداره‌كێ ده‌ بۆ تۆرا لالش دبێژت: ديرۆك و جوگرافيا بنياتێ هه‌بوونا گه‌لانه‌.
هه‌روه‌سا گۆت:ل پێشه‌كيێ سوپاسييا بنگه‌هێ لالش يێ ره‌وشه‌نبيرى و جڤاكى دكه‌م كو ئه‌ركێ چاپكرنا په‌رتۆكا من يا لژێر ناڤێ(وأثرها في تباين النمو السكاني لقضائي زاخو و سيميل للفترة 2015-2020) رابووين.
نڤيسه‌ر فارس شه‌علان دياركر؛ ل سالا (2016-2017) باوه‌رناما كۆليژا جوگرافيايێ ل زانكۆيا دهۆكێ من وه‌رگرتييه‌، ئاواره‌بوونێ كارتێكرنه‌كا مه‌زن ل من كو بوو ئه‌گه‌ر كاره‌كێ وه‌سان ب كه‌م، له‌وران پشتى ل ماسته‌رێ ل هه‌مان كۆليژ هاتيمه‌ وه‌رگرتن ده‌رفه‌ت هاته‌ پێش نامه‌يا خۆ ل سه‌ر ئاواران بنڤيسم، و پشتى نڤيسنيا نامێ ب سه‌ركه‌فتيانه‌ هاتييه‌ ئه‌نجام دان ب سوپاسى ڤه‌ بنگه‌هێ لالش تايێ سنوونێ ب هه‌ڤكارى دگه‌ل ده‌سته‌يا بلندا بنگه‌هێ لالش چاپكرنا ئه‌ڤێ نامێ ب ستۆيێ خۆڤه‌گرتن و كرنه‌ په‌رتۆك.
خوياكر ژى ئارمانجا من ژ نڤيسينا ئه‌ڤێ نامێ ئه‌كاديميكرنا ديكۆمێنتان ژ ئاليێ داتا و زانيارێن ل سه‌ر ئاوارێن وان كه‌مپێن‌ ئێزديێن زاخۆ و دهۆكێ نه‌ كو ل نۆكه‌ و پاشه‌رۆژێ لێكۆله‌ر دكارن مفايى ژێ ببينن.
نڤيسه‌ر فارس شه‌علانى دبێژت:داخوازا من ژ لايه‌نيێن په‌يوه‌نديدار د وارێ نڤيسينێ ده‌ ‌ پشته‌ڤانييا گه‌نجان و نڤيسه‌ران د ڤى بوارى ده‌ بێته‌ كرن داكو باشتر داتا و زانياريێن ل سه‌ر ئێزديان بهێنه‌ ب راست و دروستى بهێنه‌ نڤيسين.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi