ئازار 01, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هێڤارييه‌كا ڕەوشەنبيرى ل شێخان هاته‌ سازكرن

هێڤارييه‌كا ڕەوشەنبيرى ل شێخان هاته‌ سازكرن

تۆرا لالش:

ناڤەندا خانی یا ڕەوشەنبیری و ڕاگەهاندنێ پشکا ڕەوشەنبیری ب هەڤکاری د گەل بنگەهێ لالش تایێ شێخان و ڕیڤەبەریا ڕەوشەنبیری و هۆنەری ل شێخان،هێڤارييه‌كا ڕەوشەنبيرى سازكر.

ئيرۆ 12ى ئه‌يلولا2023،ب ئامادەبوونا بەرێز “صالح حيدر ” بەرپرسێ لقا 20 یا (PDK) و بەرێز  “سه‌عید جردۆ ” سه‌رۆكێ دەستەیا بلندا بنگەهێ لالش ل دهۆکێ و بەرێز  “فه‌ره‌ج عثمان ” ڕێڤەبەرێ پەروەردا قەزا شێخان و بەرێز “صادق قاسو علو ” بەرپرسێ لژنا ناوچا شێخان یا ( PDK) و هەڤالێن ناڤەندا خانی یا ڕەوشەنبیری و ڕاگەهاندنێ و چەندین بەرپرسێن میری و حزبی و ژمارەکا زۆر ژ ڕەوشەنبیر و مامۆستا و گەنج و ریهسپیێن دەڤەرێ،ناڤەندا خانی یا ڕەوشەنبیری و ڕاگەهاندنێ پشکا ڕەوشەنبیری ب هەڤکاری د گەل بنگەهێ لالش تایێ شێخان و ڕیڤەبەریا ڕەوشەنبیری و هۆنەری ل شێخان،هێڤارييه‌كا ڕەوشەنبيرى سازكر،ل ده‌ستپێكێ بەرێز  ئازاد موراد بەرپرسێ بنگەهێ لالش تایێ شێخان بخێرهاتنا ئاماده‌بوويان كر.

 د ڤێ هێڤارييا ڕه‌وشه‌نبيرى دا دوو سمینار هاتنە پێشکێشکرن ئێک ژ لایێ  “د . شێرزاد زەکەریا “ل ژێر ناڤێ ( دەسپێکا شۆرەشا ئەیلولێ ل دەڤەرا بەهدینا )، سمینارا دووێ ژ لایێ مامۆستا  “محه‌مه‌د عارف تاتار ” ل ژێر ناڤێ ( شارستانیەتێن کەڤن ل دەڤەرا شێخان ).

پاشان دان و ستاندنەکا ڤەکری هاتەکرن ژ لایێ ئامادەبوویان ڤە ل سەر بابەتێن هەردوو سمیناران و پرسیار هاتنە بەرسڤ دان ژ لایێ هەردوو بەرێزێن ناڤبرى.

 ل داویێ هێڤاريیا قەزا شێخان ب مێڤانیا ناڤەندا خانی یا ڕەوشەنبیری و ڕاگەهاندنێ ب ڕەوش بوو ، تایبەت پشتی بەلاڤکرنا ژمارەکا پەرتووکێن بەرکەفتی ژ وەشانێن خۆ ل سەر ئامادەبوویان.

      

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi