کۆنفرانسێ نەھێلانا توندوتیژیێ دژی ئافرەتان ل هه‌ولێرێ هاته گێڕان
تۆرا لالش:
ب چاڤدێريا د.” خانزاد ئه‌حمه‌د” ئه‌میندارا گشتی يا ئه‌نجومه‌نێ باڵا يێ خانمان و گه‌شه‌پێدانێ،ئيرۆ 19ى حوزه‌يرانا 2023ێ،ب ئاماده‌بوونا د.” یوسرا موحسین كه‌ریم” ڕێڤه‌به‌را گشتی يا فه‌رمانگه‌ها تواناسازیيا ئافره‌تان ل ئەمینداريا گشتی يا ئەنجومەنێ وەزیرێن عێراقا فیدراڵ و به‌رپرسێن حكومه‌تا هه‌رێما كوردستانێ و دیپلۆماتكارێن بیانی و یۆنامی و ئاژانسێن نه‌ته‌وه‌يێن ئێكگرتى و نوێنه‌رێن رێكخراوێن نێڤ ده‌وڵه‌تی و ناڤخۆ،کۆنفرانسێ (ڕۆژا جیهانی يا نەهێلانا توندوتیژيا سێکسی ل ده‌مێ ململانێدا) ل هه‌ولێرێ ب ڕێڤه‌چوو.
ئه‌ڤ كۆنفرانسه ژلايێ ئه‌نجومه‌نێ باڵا يێ خانمان و گه‌شه‌پێدانێ و فه‌رمانگه‌ها تواناسازیيا ئافره‌تان ل ئەمینداريا گشتی يا ئەنجومەنێ وەزیرێن عێراقا فیدراڵ و بنگه‌هێ لالش يێ ڕه‌وشه‌نبیری و کۆمەڵایەتی ل دهۆكێ هاته ئه‌نجامدان.
ل ده‌ستپێكێ د. “خانزاد ئه‌حمه‌د” ئاماژه دا ئه‌رك و رۆلێ حكومه‌تا هه‌رێما كوردستانێ و ئه‌نجومه‌نێ باڵا يێ خانمان بۆ خزمه‌تكرن كچ و ژنێن ڕزگاربوويێن ژ ده‌ستێ داعش و پاڵپشتيا حكومه‌تێ بۆ داخوازيێن وان دووپاتكر.
هه‌روه‌سا رێزدار “سه‌عيد جردۆ” سه‌رۆكێ ده‌سته‌يا بلندا بنگه‌هێ لالش په‌يڤه‌ك دكۆنفراسى دا پێشكێشكر و تێدا باس ل نەهێلانا توندوتیژيێ ل دژى ئافره‌تان كر.
پاشى کورتە فیلمه‌كێ دیکيۆمێنتاری ده‌رباره‌ی ئێش و ئازارێن رزگاربوويان و داخوازيێن وان هاته پێشكێش كرن،ئه‌ڤجا ئێكه‌م په‌نه‌ل ل ژێر ناڤێ: “لە پەراوێزەوە بۆ ناوەند: بلندكرنا پێگه‌هێ ژنان و کچێن پێكهاتان ل بجهئينانا “پلانا 1325 ئافره‌ت، ئاشتی، ئاسایش”دا ب ڕێڤه‌چوو ب به‌شداريا د. “یوسرا موحسین” ڕێڤه‌به‌را گشتی يا فه‌رمانگه‌ها تواناسازیيا ئافره‌تان ل ئەمینداريا گشتی يا ئەنجومەنێ وەزیرێن عێراقا فیدراڵ و د. ” خانزاد ئه‌حمه‌د” ئه‌میندارا گشتی يا ئه‌نجومه‌نێ باڵا يێ خانمان و گه‌شه‌پێدانێ و “ڕۆزی كه‌یڤ” کونسڵی گشتی يێ بریتانیا ل هه‌رێما كوردستانێ و“سۆزان سەفەر” بۆردێ پلانا 1325 ل هه‌رێمێ – دهۆک و“لێزا هیدۆ” نوێنه‌را ڕێکخراوێن ناحکومی ل عێراقا فیدراڵ و“هیمان ڕەمزی” بەرپرسێ ڕێکخراوا تۆلای بۆ کاروبارێن تورکمانان،كو ژلايێ به‌رێز “سعود مستۆ” ڤه دهاته ب ڕێڤه‌برن.
دپه‌نه‌لێ دووێ دا كو ل ژێر ناڤێ گه‌شته‌ك دناڤ بەربەستاندا(چارەسەرکرنا به‌ربه‌ستێن به‌رده‌م جێبەجێکرنا یاسايا ڕزگاربوويان ل عێراقێ هاته پێشكێش كرن، پانێڵست پێكهاتبوون ژ نوێنه‌رێ ڕێڤه‌به‌رێ گشتی يێ كاروبارێن ڕزگاربوويان ل عێراقێ و“حوسێن قایدی” نوێنەرێ ئۆفیسا ڕزگاربوويان ل هه‌رێما کوردستانێ و”یۆکۆ فوجیمورا” بەرپرسێ رێكخراوی (IOM) ل هه‌ولێرێ و” فێنک شەفیق” ڕێڤه‌به‌رێ گشتی يێ به‌ره‌نگاربوونا توندوتیژیێ ل دژی ئافره‌ت و خێزانان و “سڕوه ڕەسوڵ” ڕێڤه‌به‌را گشتی يا JCC ل هه‌ولێرێ و “ئامێلدا ئیسماعیل “به‌رپرسێ به‌شێ داکۆکیکرنێ ل ڕێکخراوا یەزدا، كو ئه‌ڤ په‌نه‌له ژ‌لایێ به‌ڕێز د. “فارس كتی” ب ڕێڤه‌چوو.
هه‌روه‌سا كۆنفرانس ب تێبینی و راسپارده‌و پێشنیارێن به‌شداربوويان ب داوى هات.
تُتاح هذه الصورة أيضا في: کوردی
