بەریکانەکا زانستی و ڕەوشه‌نبیری بۆ هه‌ژماره‌كا گه‌نجان هاته ڤه‌كرن
تۆرا لالش:
ئیرۆ رۆژا ئینیێ رێکەفتی (16. / 6 / 2023)ێ بنگەهێ لالش تایێ باعەدرێ و نڤیسینگەها لالش ئێسیان بەریکانەکا زانستی و رەوشنبیری بۆ چەندین گەنج و لاو و ئافرەتان ل باخچێ هۆلا لالش ئێسیان ئەنجامدان،ب ئامادەبوونا بەرپرس و ئەندامێن دەستەکێن رێڤەبەر یێن رێکخەرێن چالاکیێ و موختارێ گوندێ ئێسیان(سلام بدل) و ژمارەکا گەنجان.ل دەستپێکێ بەرپرسێ بنگەهێ لالش تایێ باعەدرێ (خلات باعەدری)و بەرپرسێ نڤیسینگەها لالش (لؤي فندي) بخێرهاتنا تەڤایا ئامادەبوویان کرن.
پاشی بەرپرسێ بنگەهێ لالش باعەدرێ مەرەم و ئەگەرێن ڤێ چالاکیا هەڤپشک دا خویاکرن و دا زانین کو ئەنجامدانا ڤان جورە چالاکیان ب مەرەما گهۆرینا کەش و هەوایی و خرڤەبوونا مە هەمووانە پێخەمەت ئالۆگۆرکرنا هزرێن زانستی و رەوشنبیری و پەیداکرنا دیالۆکێ یە، و بهێزکرنا پەیوەندیێن جڤاکی و کاری یە و ئەڤە و چەند خالێن دیترێن بالکێش ل ڤێ هێڤاریێ بەحس کرن.
پاشی رێنما و چەوانیا ب رێڤەچوونا بەریکانێ هاتنە بەحس کرن بۆ 11 گرۆپێن پشکداری بەریکانێ دا،لدووڤدا پرسیارێن بەریکانێ هاتنە پارڤەکرن و هەڤرگیێ دەست پێکر دناڤا ئامادەبوویان دا و ژلایێ رێکخەرێن چالاکیێ سەرپەرشتیا هاتە کرن.
د ئەنجامدا سێ گرۆپان سەرکەفتن ب دەست خۆڤە ئینان و بوونە سەرکەفتی ل ڤێ هێڤاریا کئم وێنە و جوان دا.
ل داویێ ژی دگەل گرنژین جوان و دلخۆشیا ئامادەبوویان دیاری ب سەر تەڤایا سەرکفتیان دا هاتنە پارڤەکرن.
د تەورەکێ دیتر دا، بنگەهێ لالش تایێ باعەدرێ هەموو ستافێ نڤیسینگەها لالش ئێسیان خەلاتکرن ب مەرەما هەلبژارتنا وان بۆ نڤیسینگەهێ و هەبوونا پەیوەندیێن باش یێن دوو ئالی و خزمەتا وان بۆ گوندێ نافهاتی .
ب ڤی ئاوایی هێڤاریەک ژ هێڤاریێن جوان و جیاوازی دناڤا خورت و گەنجان دا دەرباز بوو.
تُتاح هذه الصورة أيضا في: کوردی
