دەزگەهێ رۆژناس:پتری 200هەزار ئێزدیان ل ئەلمانیا هەنە
تۆرا لالش:
ل گۆڕەی ئاماران هژمارا ئێزدیان ل وەلاتێ ئەلمانیا بەرەف زێدەبوونێ یە و گەهشتیە پتری 200هەزار كەسان،قەستا وی وەلاتی كریە.
دڤی واری دا كامل خودێدا،ئەندامێ دەستەیا بلندا دەزگەهێ رۆژناس یا هەڤگرتنا ئێزدیان ل ئەلمانیا بۆ دەنگێ لالش دیاركر، ل گۆڕەی ئامارەكا ئەلمانیا كو بەریا دوو ساڵان ڕاگەهاندبوو كو هژمارا ئێزدیان گەهشتیە 200هەزار كەسان ل وی وەلاتی،لێ وەكو دەزگەه ئەم دبینن ئەڤ هژمارە زێدەتر لێهاتیە،چنكو بەردەوام ئێزدی كۆچ دكەنە دەرڤەی وەلاتی و ب تایبەت ئەلمانیا و ئەم تەخمین دكەین هژمارا وان نێزیكی 230هەزار كەسێن ئێزدی بن.
كامل خودێدا گۆتژی پشتی دەزگەهێ ڕۆژناس ئامارەك ئەنجامدایی،دیاربوویە نێزیكی 105مال و سەنتەر و كۆمەلێن ڕەوشەنبیری و كۆمەڵایەتی و سەنتەرێن هەمەجۆر یێن ئێزدیان ل هەرێمێن جودایێن ئەلمانیا هەنە،دیسان ژبۆ بەرەف پێشڤە پێنگاڤان پاڤێژین ژبۆ ئێكگرتنا گۆتارا ئێزدیان،هیڤیدارن هەڤگرتن و هەماهەنگی دناڤبەرا ڤان سەنتەران دا هەبت بۆ خزمەتكرنا ئێزدیان و ئێزدیاتیێ.
تُتاح هذه الصورة أيضا في: کوردی
