رێڤەبەرێ كۆچ و كۆچبەران:بریارا قوتكرنا هاریكاریان دێ كارتێكرنا خۆ ل سەر ژیانا ئاوارێن شنگالێ هەبت
تۆرا لالش:
رێڤەبەرێ كۆچ و كۆچبەران و بەرسڤدانا قەیرانا ل پارێزگەها دهۆكێ ئاشكەراكر،بەریا نۆكە ڕێكخراوا(WFP)یا نێڤ دەولەتی هەیڤانە كوژمێ 18هەزار دیناران بسەر ئاوارەیێن شنگالێ دا بەلاڤ دكرن،لێ بریارە پشتی مەها چار ئەڤ هاریكاری بێنە راگڕتن و ڤێ چەندێ دێ كارتێكرنا خۆ ل سەر ژیانا ئاوارێن شنگالێ هەبت.
پیر دەیان، رێڤەبەرێ كۆچ و كۆچبەران و بەرسڤدانا قەیرانا ل پارێزگەها دهۆكێ بۆ دەنگێ لالش دیاركر،هەیڤانە ژلایێ ڕێكخراوا(WFP)یا نێڤ دەولەتی ڤە كوژمەكێ دراڤی دگەل كەلوپەلێن خوارنێ بسەر ئاوارەیێن شنگالێ دا دهاتن بەلاڤكرن،لێ پشتی پشتەڤانیا وێ ڕێكخراوێ كێمبووی و ماوەیێ ئاوارەبوونێ درێژبووویی بریار دایە ڤان هاریكاریان پشتی1/4/2023 ب سەكنینت و بێنە ڕاگرتن،ئەم دبینن ڤێ چەندێ دێ كارتێكرنا خۆ ل سەر ژیانا ئاوارێن شنگالێ هەبت ئەو ژی كێشەیێن كۆمەلایەتی دێ پەیدا بن،ژبەركو خەلكێ مە یێ هەژارە ڤێ هاریكاریێ گەلەك مفا گەهاندبوو وان ب تایبەت ژلایێ ئابووری ڤە.
ئاشكەراكر ژی نۆكە ڕێكخراوێن خێرخوازی هاریكاریێن خۆ كێمكرینە و حكومەتا عێراقێ ژی ئاستێ پێتڤی هاریكاریا ئاواران ناكەت،گەلەك كێماسی هەنە،بەری نۆكە دراڤ ل سەر ئاواران هاتە بەلاڤكرن و هندەك جاران ئاهێن خوارنێ ددانە ئاواران،لێ نۆكە ئەڤە نەمایە، لێ حكومەتا هەرێما كوردستانێ بەردەوام هاریكاریا ئاواران دكەت،ئەڤە هەشت سالن هێشتا بەغدا كریا كارەبێ یا كەمپێن ئاواران و دراڤێ ئەردێ جۆتیاران یێن كەمپ ل سەر هاتیە دانان نەمەزاختیە،ب تنێ عێراق هندەك جاران ئاهێن خوارنێ ددەتە ئاواران.
گۆتژی هەتا نۆكە پتری 70% خەلكێ شنگال ئاوارانە و هێشتا نكارینە ڤەگەرنە سەر جی و مالێن خۆ، پتریا خانیێن خەلكی ل شنگال یێن هاتینە خرابكرن، هێشتا چوو ئاڤەدانی نەهاتینە كرن،لەورا ئاوارە ماینە دناڤ كەمپان دا.
تُتاح هذه الصورة أيضا في: کوردی
