دەستەیا بلندا بنگەهێ لالش ب گشت تایی و نڤیسینگەهێن خۆڤه سەرەدانا مەزارگەهێ نەمران ل بارزان دكه‌ن
تۆرا لالش/دهۆك
ئيرۆ 13ئادارا 2023ێ،شاندەكێ بلند ژ دەستەیا بلندا بنگەهێ لالش یێ ڕەوشەنبیری و كۆمەلایەتی ل دهۆكێ ب گشت تایی و نڤیسینگەهێن خۆ ڤه،سەرەدانا مەزارگەهێ نەمران ل دەڤەرا بارزان كرن.
شاندێ دەستەیا بلندا بنگەهێ لالش ب سەرۆكاتیا بەرێز”سه‌عيد جردۆ” سەرۆكێ بنگەهی و كۆمەكا كەسایەتيێن ئێزدی یێن سیاسی و جڤاكی،ژبال بەرێز”خەلات بارزانی”نوونەرێ سەرۆك بارزانى ڤە هاتە پێشوازیكرن.
هەروەسا شاندێ بنگه‌هێ لالش تاجه گوولينه ل سەر گۆڕێ نەمران”مەلا مستەفا بارزانی” و” ئدریس بارزانی”دانا.
سه‌رۆكێ دەستەیا بلندا بنگەهێ لالش ”سه‌عيد جردۆ”پەیڤەك پێشكێشكر و دياركر؛بنگەهێ لالش و تایێن وی هەر سال سەرەدانا مەزارگەهێ نەمران كرینە،وەك رێزگرتن بۆ قوربانیدانا گەلێ كورد ب گشتی و سەروەرێ وان یێ مەزن خودێ ژێ رازی”مستەفا بارزانی ” و” ئدریس بارزانی”.
سه‌رۆكێ بنگه‌هێ لالش دپەیڤا خۆ دا تیشك خستە سەر دیرۆك و شۆرەشێن بارزانی و گەلێ كوردستانێ و بەحسێ ڕۆلێ مەلا مستەفا بارزانی و ئەدریسێ جوانە مەرگ کر و دیارکر ناڤهاتیان ڕۆلەکێ مەزن د بەرخودانا گەلێ کوردستانێ دا هەبوویە و ژ دوو بلیمەتێن مەزنێن گەلێ مەنە ،پاشى به‌حسێ ڕۆلێ ئێزدیان دشۆره‌شان دا و قوربانیدانا پێشكێشكرین دبزاڤێن ڕزگاریخوازێن كوردی یێن ل دووڤ ئێك دچەرخێن بۆری دا كر.
دپشكه‌كا دى يا په‌يڤا خۆ دا سه‌رۆكێ بنگه‌هێ لالش گۆت:دخوازم ئەڤ ڕۆژێن وەسان د پیرۆز ببنە ئەگەرێ دەستەبەرکرنا مافێن کوردێن ئێزدی و ئازادبوونا گرتيان.
ل داويێ ژى شاندێ بنگه‌هێ لالش دووباره سۆز و په‌يمان ل سه‌ر ڕێبازا پيرۆزا بارزانيێ نه‌مر و ئيدريس بارزانى نووكرن.
سالانه ده‌سته‌يا بلندا بنگه‌هێ لالش دگه‌ل تايى و نڤيسينگه‌هێن خۆ ل ده‌ڤه‌رێن ئێزديان ب ئه‌ركێ خۆ دزانن وه‌ك وه‌فاداريه‌ك بۆ ڕێبازا پيرۆزا بارزانى،سه‌ره‌دانا مه‌زارێ نه‌مران ل بارزان دكه‌ن.
تُتاح هذه الصورة أيضا في: کوردی
