رازیبوون ل سەر سندۆقا ئاڤەدانكرنا شنگالێ هاتە كرن
ئەڤرۆ نيوز:
ئەندامەكێ جڤاتا نوونەرێن ئیراقێ دیار كر، محەمەد شیاع سوودانی، سەرۆكێ حوكمەتا ئیراقێ رازیبوون ل سەر دانانا سەندۆقا ئاڤەدانیا شنگالێ كریە د بودجەیا ئەڤ سالە دا.
مەحما خەلیل، ئەندامێ جڤاتا نوونەرێن ئیراقێ بۆ ئەڤرۆ خویا كر، پشتی وان ب نڤیسارەكا فەرمی داخواز ژ سەرۆكێ حوكمەتا ئیراقێ كری، سەندۆقا ئاڤەدانیا شنگالێ بهێتە دانان، سەرۆكێ حوكمەتێ رازیبوونا خوە ل سەر دانانا وێ سندۆقێ د چارچووڤێ بودجەیا ئەڤ سالە دا دیاركریە و گۆت: «ئەڤە دێ بیتە ئەگەرێ ئاڤەدانكرنا شنگالێ و رەوش ژی دێ بەر ب باشیێ ڤە چیت و ئاوارە ڤەگەڕنە سەر مالێن خوە».
رەفعەت سمۆ، جێگرێ پارێزگارێ نەینەوا بۆ كاروبارێن ئیداری بۆ ئەڤرۆ گۆت: «دانانا سەندۆقا ئاڤەدانیا شنگالێ دێ بیتە ئەگەر رەوشا شنگالێ خۆش ببیت، ژ بەركو هەتا نوكە شنگال یا وێرانكریە و ئەو پارە ژ دەولەتان بۆ شنگالێ دێ هێتە تەرخانكرن و هەموو د وێ سەندۆقێ دا دێ هێتە كۆمكرن و شنگال دێ پێ هێتە ئاڤەدانكرن».
تُتاح هذه الصورة أيضا في: کوردی
