ده‌نگدان ل سه‌ر دانانا رێڤه‌به‌رێن نوى بۆ ناوچه‌داريێن چه‌مانكێ و خانكێ دێ هێته كرن
گاڤ – تايبه‌ت
جڤاتا پارێزگه‌ها دهۆكێ ل رۆژا دوشه‌مبيا بهێت دێ كۆمبيت و سێ ته‌وه‌رێن سه‌ره‌كى دێ د كۆمبوونێ دا هه‌بن.
هشیار فه‌ریق، سه‌رۆكێ فراكسیۆنا پارتى ل جڤاتا پارێزگه‌ها دهۆكێ بۆ گاڤ گۆت “جڤاتا پارێزگه‌هێ ل رۆژا دوشه‌مبیا بهێت دێ ده‌نگى ل سه‌ر ده‌ستبكاربوونا ئیسماعیل حه‌مید محه‌مه‌د سیارى وه‌ك رێڤه‌به‌رێ ناوچه‌داريا چه‌مانكێ ده‌ت”.
هه‌روه‌سا بێریڤان سه‌لیم شه‌مۆ، جێگرا سه‌رۆكێ جڤاتا پارێزگه‌ها دهۆكێ بۆ گاڤ راگه‌هاند؛ پارتى دیموكراتى كوردستان زەردەشت شێخ شامۆ بۆ پۆستێ رێڤەبەرێ ناوچه‌داريا خانکێ به‌ربژاركریه و جڤاتا پارێزگه‌ها دهۆكێ ل رۆژا دوشه‌مبیا بهێت دێ ده‌نگى ل سه‌ر ده‌ت.
هه‌روه‌سا د بڕگه‌يا سيێ يا كۆمبوونا جڤاتا پارێزگه‌ها دهۆكێ دا، دێ ده‌نگدان ل سه‌ر ده‌ستژكاركێشانا فارس يوحه‌نا باليۆز ئه‌ندامێ جڤاتا پارێزگه‌هێ هێته كرن پشتى كو بوويه جێگرێ سه‌رۆكێ ئيداره‌يا سه‌ربخۆ يا زاخۆ.
تُتاح هذه الصورة أيضا في: کوردی
