نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ لالش تايێ باعەدرێ ڕێورەسمێن ئیمزاکرنا پەرتۆکا(مذكرات نصير پێشمەرگە.. سیپان) گێڕان

بنگەهێ لالش تايێ باعەدرێ ڕێورەسمێن ئیمزاکرنا پەرتۆکا( مذكرات نصير پێشمەرگە.. سیپان) گێڕان

تۆرا لالش:

پێخەمەت پشتەڤانی ل بزاڤا رەوشەنبیری و بیاڤێ نڤیسینێ و وەک وەفاداری ژبۆ گیانێ نڤیسەر و رەوشەنبیرێ دیارێ دەڤەرێ خودێ ژێ ڕازی (فەهمی حەسەن بابێ رۆژانێ)،ب ئامادەبوونا سەرۆکێ دەستەیا بلندا بنگەهێ لالش بەڕێزان سه‌عيد جردۆ و شاندێ دگەل دا و عيسى نسرى کارگێرێ لقا 20 یا PDK و سەنتەری ره‌وشه‌نبیری ل شێخان و نڤیسینگەها لالش ئێسیا و و ژمارەیەکا کەسایەتی و رەوشه‌نبیر و وپێکهاتێن جودا جودا یێن باعەدرێ و دەڤەرێ و بنەمالا خودێ ژێ ڕازی،ڕێورەسمێن شرۆڤە و ئیمزاکرنا پەرتۆکا نڤیسەر و رەوشەنبیرێ دیارێ دەڤەرێ خودێ ژێ ڕازی (فەهمی حەسەن بابێ رۆژانێ) یا ل ژێر ناڤ و نیشان (مذكرات نصير پێشمەرگە. سیبان) ل هۆلا باعەدرێ یا بیرەوەریا ب رێڤەچوون.پشتی دەقیقەک راوەستیان وەک رێزگرتن ژبۆ گیانێ پاکێ شەهید بزاڤا ڕزگاری خوازا کوردی سەرکاروانێ وان بارزانیێ نەمر،بەڕێز خه‌لات باعەدری بەرپرسێ بنگەهێ لالش تایێ باعەدرێ بخێرهاتنا تەڤایا ئامادەبوویان کر و تەکەز کر کو ئەنجامدانا ڤێ چالاکیێ وەک وەفاداریەک بۆ گیانێ خودێ ژێ ڕازی و رێزگرتن ل کەد و خەبات و نڤیسینێن وی دخزمەتا دەڤەرێ دا، دیسان وەک ئەرک ل سەر ملێن مەیە چنکو نافهاتی یەکەم بەرپرسێ بنگەهێ لالش تایێ باعەدرێ بوویە و خزمەتا ژ هەژی پێشکێشی بزاڤا رەوشەنبیری کرییە دگەل چەند گۆتنا دەرهەقێ نڤیسەرێ ناڤهاتی.

لدووڤدا کوڕێ خودێ ژێ ڕازی دلمان فەهمی حەسەن چەند رۆنکرن و شرۆڤە دانە پەرتۆکێ ل دۆر ناڤ و نیشان و ناڤەرۆک و ئەگەرێن چاپکرنا پەرتۆکا ژبال بنەمالێ ڤە، زێدەباری چەند ئاماژە و پرسێن دیتر لدۆر پەرتۆکێ و ژیانا بابێ خۆ د سالێن پڕی زەحمەت و کاودانێن ئالۆز دا.

پاشی بەڕێز عيسى نسرى وەک هەڤالێ خودێ ژێ ڕازی بۆ چەندین سالان، دپەیڤەکا جوان و بالکێش دا ل دۆر دەمێن کارکرنێ و هەڤالینا دگەل نڤیسەری بەحسکرن و رۆناهی ئێخستە سەر ساخلەت و شیان و رەوشنبیری و باندۆرا وی ئینا زمان، زێدەباری چەندین گۆتن و رۆنکرن دەرحەقێ خزمەتا خودێ ژێ ڕازی بابێ رۆژانێ بۆ ئامادەبوویان بەحسکرن.

ل داویێ پەرتۆک هاتە ئیمزاکرن و ل سەر تەڤایا ئامادەبوویان ڤە ژبال کوڕێ خودێ ژێ ڕازی هاتن پارڤەکرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi