شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

گازا سپی ل سەر ئاوارەیێن شنگالێ‌ دێ‌ ئێتە بەلاڤكرن

گازا سپی ل سەر ئاوارەیێن شنگالێ‌ دێ‌ ئێتە بەلاڤكرن
تۆرا لالش:
بریارە ل دەمەكێ‌ نێزیكدا گازا سپی ل سەر ئاوارەیێن شنگالێ‌ دناڤا كەمپان و ژ دەرڤە بێتە بەلاڤكرن،سەرۆكێ‌ لژنا كۆچ و كۆچبەران ل پەرلەمانێ‌ عێراقێ‌ ژی دبێژت:دێ‌ دووڤچوونا ڤی بابەتی كەین و ب هیچ رەنگەكی قەبوول ناكەین وەزارەت سستیێ‌ د كەیسا ئاواران دا بكەت.
شەریف سلێمان،سەرۆكێ‌ لژنا كۆچ و كۆچبەران ل پەرلەمانێ‌ عێراقێ‌ بۆ دەنگێ‌ لالش راگەهاند،ب فەرمی مە داخواز ژ وەزارەتا كۆچ و كۆچبەران كریە بەری دەستپێكرنا وەرزێ‌ زڤستانێ‌ گازا سپی ل سەر ئاواران بەلاڤ بكەن، لژنا مە یا كۆچ و كۆچبەران ل پەرلەمانێ‌ عێراقێ‌ بەردەوام دووڤچوونێ‌ ل سەر ڤی بابەتی دكەت كو ب زووترین دەم گازا سپی ل سەر هەموو ئاوارەیان بێتە بەلاڤكرن،داكو ئاوارە بكارن ژیانا خۆ د ڤی وەرزی دا بێ‌ ئاریشە دەرباز بكەن.
ل دۆر پوستێ‌ وەزارەتا كۆچ و كۆچبەران شەریف سلێمان ئاشكەراكر،ب ڕێڤەبرنا ڤێ‌ وەزارەتێ‌ ژلایێ‌ وەزیرا بەرێ‌ و نۆكە رێڤەبرنەكا فاشل بوو،لێ‌ نۆكە ئەز وەكو ئێك ژ ئەندامێن لژنا كۆچ و كۆچبەران ل پەرلەمانێ‌ عێراقێ‌ ئێدی ب هیچ رەنگەكی قەبوول ناكەین وەزارەت سستیێ‌ د كارێ‌ خۆ دا بكەتن ب تایبەت ژی كەیسا ئاواران،دڤێت كارێ‌ سەرەكی یێ‌ وەزارەتێ‌ خزمەتكرنا ئاواران بت،گۆتژی،بەری نۆكە كوالێتیا ئەرزاقێ‌ وەزارەتا كۆچ و كۆچبەران د ئاستەكێ‌ لاواز دا بوو،لێ‌ نۆكە ل سەر هندێ‌ كار دكەین كوالێتیا ئەرزاقی باشتر بكەین داكو ئاوارە د مفادار بن،هەروەسا داوی جارا ئەرزاق هاتیە بەلاڤكرن كوالێتیا وی یا باشبوو.
سەبارەت چاوانیا بەلاڤكرنا گازا سپی بسەر ئاوارەیاندا،محەمەد ئەلببواتی بەرپرسێ‌ پەیوەندیان ل رێڤەبەریا كۆچ و كۆچبەران تایێ‌ دهۆكێ‌ بۆ دەنگێ‌ لالش راگەهاند،بەری دوو هەفتیان كۆمبوونەك دناڤبەرا رێڤەبەریا كۆچ و كۆچبەران تایێ‌ دهۆكێ‌ سەر ب وەزارەتا كۆچ و كۆچبەرێن عێراقێ‌ و ئەندامێن پەرلەمانێ‌ عێراقێ‌ ل سنوورێ‌ پارێزگەها نەینەوا هاتە ئەنجامدان،ل دۆر چاوانیا بەلاڤكرنا گازا سپی ل سەر ئاواران د كۆمبوونێ‌ دا ئەندامێن پەرلەمانێ‌ عێراقێ‌ یێن نەینەوا یێن سەر ب فراكسیۆنا پارتی دیموكراتی كوردستان دگەل رێڤەبەریا نەفت و كانزایان یا نەینەوا ئاخفتن داكو ل دەمەكێ‌ نێزیكدا گازا سپی ل سەر ئاواران بێتە بەلاڤكرن.
گیربوونا بەلاڤكرنا گازا سپی بسەر ئاوارەیێن شنگالێ‌ ل كەمپان دا،بوویە جیێ‌ دلگرانیا ئاواران و ب تایبەت یێن ل دەرڤەی كەمپاندا دژین كو ئەڤە ماوێ‌ چەندین سالانە وەرنەگرتینە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi