حوزه‌یران 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەرەم و ئەنجامێن سەرەدانا میر حازم بەگ بۆ شنگالێ چ بوون؟

مەرەم و ئەنجامێن سەرەدانا میر حازم بەگ بۆ شنگالێ چ بوون؟

گاڤ نیوز – تایبەت

میر حازم بەگ پشتی 3 سالان ژ بوونا وی وەک میرێ ئێزدیان بۆ ئێکەم جار سەرەدانا قەزایا شنگالێ کر و دگەل پتریا تەخ وچینێن وێ قەزایێ کۆم بوو. میر حازمی سەرەدانا پتریا گوند و کۆمەلگەهێن شنگالێ کر، ژ وانا ژی کۆچۆ و حەردان و چەند دەڤەرێن دی یێن گەلەک قوربانی داین و گۆرێن بکۆم لێ.

فارس کوتی، شیرەتکارێ جڤاتا رۆحانی یا ئێزدیان بۆ گاڤ گۆت: مەرەم ژ سەرەدانا میر حازمی ئەوبوو ژنێزیک ئاگەهداری رەوشا خەلکێ شنگالێ ببیت و وێرانیا شنگالێ ببینیت و گوهێ خۆ بدەتە داخوازیێن خەلکێ شنگالێ.

شیرەتکارێ جڤاتا رۆحانییا ئێزدیان گۆت ژی: پتری 80٪ ژ هۆز و خەلکێ شنگالێ پێشوازیا میری کر و گازندە و داخوازیێن خۆ گەهاندنێ، میری ژی سۆز دایە کو وان داخوازیان بگەهینیتە ئاستێن هەری بلند یێن هەردو حکومەتێن هەرێمێ و بەغدا.

ل شنگالێ و هەر د دەما سەرەدانا میری دا هۆزا هەبابات کو ئێک ژ هۆزێن ئێزدیێن شنگالێ یە دژاتیا خۆ بۆ سەرەدانا وی دیار کر و خەلکێ وێ هۆزێ ئامادە نەبوو پێشوازیێ ل میر حازمی بکەت، هەروەسا حەیدەر شەشۆ ژی کو فەرماندێ هێزا پاراستنا ئێزیدخانێ یە و کەسایەتیەکێ دیار یێ شنگالێ یە، د پەیامەکا ڤیدیۆیی دا راگەهاند کو ئەو ئامادە نینن پێشوازیێ ل میر حازم بەگ بکەن ژبەرکو نە ب بریار و رازیبوونا ئێزیان بوویە میر و رێک ژی نەدایێ بچیتە مەزارگەها شەرفەدین و حەیدەر شەشۆی گۆت: هەتا ب بریارا هەموو ئێزیان نەبیتە میر ئەو رێکێ نادەت بچیتە مەزارگەها شەرفەدین.

د ئەڤێ دەربارێ دا فارس کوتی، شیرەتکارێ جڤاتا روحانی یا ئێزدیان دبێژیت: هندەک دەستێن دەرەکی لپشت وانن و گەلەک ئاساییە هندەک کەس دنەرازی بن، لێ گاڤا کو پتری 80٪ یا خەلکی پێشوازی ل میری کری، ئەڤە بخۆ بەرسڤەک بوو بۆ ئالیێن نەرازی.
هەر د دەما سەرەدانا میر حازم بەگ دا ل شنگالێ فرۆکەیێن تورکیا کۆمەلگەها خانەسۆرێ بۆمبەباران کر و ژنەکێ گۆتە میر حازم بەگ “ئەز دایکا سێ شەهیدانم و مە دڤێت ئەڤان بۆمبەبارانێن ل سەر شنگالێ، رابوەستینی” میر حازم دبێژیتە وێ ژنێ “مە سەرەدانا تورکیا کریە و مە بەحسا رەوشا ئێزدیان بگشتی کریە و داخواز ژ دەستهەلاتدارێن تورکیا کریە رۆنکرنێ ل سەر بۆمبەبارانکرنا شنگالێ بدەنە مە”.
ل گۆرەی زانیاریێن گاڤ، سەرەدانا میر حازم تەحسین بەگی بۆ شنگالێ ل دویڤ راسپاردەیا بەرپرسێن بلندێن هەرێما کوردستانێ بوو، هەڤدەمژی رێخۆشکەرێن سەرەدانا میری بۆ شنگالێ پشتی وێ یەکێ هەتا کو 18 عەشیرێن شنگالێ یێن ل ئەلمانیا ب باشی زانین کو فەرە میر سەرەدانا شنگالێ بکەت هەروەک د.عیرفان ئۆکتاج، جێگرێ سەرۆکێ ناڤەندا شێورمەندیا ئێزدیان ل ئەلمانیا بۆ گاڤ دیارکری و گۆت: میری بخۆژی بەری هەر کەس و لایەنەکی خواستیە سەرەدانا شنگالێ بکەت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi