حوزه‌یران 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

میرێ ئێزدیان دگه‌ل پارێزگارێن ئۆرفا و ماردینێ جڤیا

میرێ ئێزدیان دگه‌ل پارێزگارێن ئۆرفا و ماردینێ جڤیا
تۆرا لالش یاراگه‌هاندنێ :

راگه‌هاندنا جڤاتا رۆحانی یا ئێزدیان ل تۆرا جڤاكى (فه‌یسبووكى) راگه‌هاندیه‌ , رۆژا پێنچ شه‌مبوویێ رێكه‌فتى 22ى ئه‌یلولا 2022ێ میرێ ئێزدیان ل كوردستانێ و جیهانێ ب یاوه‌ریا خانما ئێكێ یا ئێزدیان و شانده‌كى سه‌ره‌دانا هه‌ردوو پارێزگارێن ئۆرفا و مێردینێ كرییه‌ ل وه‌لاتێ توركیا .
د به‌لافكریا مالپه‌رى هاتییه‌ رۆنكرن كو میر حازم ته‌حسین به‌گ میرێ ئێزدیان ل كوردستانێ و جیهانێ ب یاوه‌ریا مه‌یان خیرى به‌گ و شانده‌كى كه‌سایه‌تیێن ئێزدى دگه‌ل پارێزگارێن پارێزگه‌هێن ناڤبرى پرسا ئێزدیان ب گشتى و بارۆدۆخێ شنگال گوتوبێژكرییه‌ .

هه‌روه‌ها راگه‌هاندنا مالپه‌رى دیاركرییه‌ ژى كو ئێزدیان دیرۆكه‌كه‌ كه‌ڤن دناڤا ئاخا توركیا دا هه‌یه‌ و تا نها ژى ئه‌رد و مولك و گوندێن ئێزدیان دناڤا ئاخا ڤى وه‌لاتى دا هه‌بوونا خۆ هه‌یه‌ و ته‌كه‌ز ل سه‌ر وێ یه‌كێ ژى هاتییه‌ كرن كوكۆچبه‌ربوونا ئێزدیان د قۆناغێن دیرۆكى یێن جۆراوجۆر بوویه‌ ده‌رئه‌نجامێ هێرش و فرمانێن ب سه‌رێ وان داهاتین.

دیسان پرسا پێدڤیبوونا گرنگیدانا حكومه‌تا توركیا ب ئێزدیان و دابینكرنا پێدڤیێن ژیانه‌كا باش بۆ ئێزدیێن ناڤا ئاخا توركیا و ئارامكرنا ره‌وشه‌كا پوته‌دانێ ب مولك و مه‌زارگه‌هێن ئۆلى دناڤا گوندان دا بابه‌تێن دیتر بوون هاتینه‌ به‌حس كرن ل گۆره‌ى راگه‌هاندنا جڤاتا رۆحانى يا ئێزدیان .

هه‌ژى گۆتنێ یه‌ كو میرێ ئێزدیان ب یاوه‌ریا شانده‌كى ئه‌ڤه‌ بۆ ده‌مێ چه‌ند رۆژانه‌ ل وه‌لاتێ توركیا ب مه‌ره‌ما پرسین ل ره‌وشا ئێزدیان ل ڤى وه‌لاتى.
س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi