چه‌ندین پرۆژه‌یێن خزمه‌تگۆزارى ل ده‌شتا نه‌ینه‌وا دێ ئێنه ئه‌نجام دان
ده‌نگێ لالش:
ئه‌ندامه‌كێ ئه‌نجوومه‌نێ نوونه‌رێن عێراقێ راگه‌هاند،كو لژنا وه‌به‌رهێنانێ ل پارێزگه‌ها نه‌ینه‌وا په‌سه‌ند ل سه‌ر ئه‌نجامدانا چه‌ندین پرۆژه‌یێن خزمه‌تگۆزارى ل ده‌شتا نه‌ینه‌وا كریه،مینا جاده و قوتابخانان و باغچێن زارۆكان و دگه‌ل چه‌ند پرۆژێن دى.
شه‌ریف سلێمان،ئه‌ندامێ ئه‌نجوومه‌نێ نوونه‌رێن عێراقێ ل سه‌ر لیستا پارتى دیموكراتى كوردستان د داخویانیه‌كێ دا بۆ كه‌نالێ سه‌ما دیاركر،هه‌ر گونده‌كێ ده‌ڤه‌را نه‌ینه‌وا كو روونشتڤانێن وى ژ 3هه‌زار كه‌سان بتر بت داخواز كریه بنگه‌هه‌كێ ساخله‌میێ و ل هنده‌ك جیان ژى باغچێن زارۆكان ژى بێنه ئاڤاكرن،ئه‌وژى لگۆر رێككه‌فتنا چینێ ئه‌وا دگه‌ل عێراقێ هاتییه ئیمزاكرن د بیاڤێ وه‌به‌رهێنانێ دا،نۆكه ژى مه په‌سه‌ند وه‌رگرتیه كو 18 قوتابخانه بێنه ئاڤاكرن ئه‌و ژى 10 ل ده‌ڤه‌را شێخان و هه‌شت ژى ل سنوورێ ناحیێن فه‌یدیێ و ئه‌لقووش.
ئاشكه‌راكر ژى هه‌ر ژوان پرۆژه‌یێن لژنا وه‌به‌رهێنانێ ل پارێزگه‌ها نه‌ینه‌وا په‌سه‌ند ل سه‌ر كرى رێیا به‌دریێ،كو رێیه‌كا ستراتیژى و گرنگه ب دوو قۆناغان دێ ئێـته چێكرن.
س.س
تُتاح هذه الصورة أيضا في: کوردی
