حوزه‌یران 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

به‌رپرسێ لقێ 17 یێ پارتى:سه‌رۆك وه‌زیرێن عێراقێ یێ رژده‌ ل سه‌ر بجهئینانا رێككه‌فتنا شنگالێ

به‌رپرسێ لقێ 17 یێ پارتى:سه‌رۆك وه‌زیرێن عێراقێ یێ رژده‌ ل سه‌ر بجهئینانا رێككه‌فتنا شنگالێ
تۆرا لالش یا راگه‌هاندنێ :رێناس دنایى

به‌رپرسێ لقێ 17 یێ پارتى دیموكراتى كوردستان ل شنگالێ ئاشكه‌راكر كو سه‌رۆك وه‌زیرێن عێراقێ مسته‌فا كازمى یێ رژده‌ ل سه‌ر بجهئینانا رێككه‌فتنا دناڤبه‌را هه‌ولێر و به‌غدا دا ل دۆر شنگالێ،لێ گرۆپێن نه‌شه‌رعى بووینه‌ ئاسته‌نگ و رێگر ل هه‌مبه‌ر بجهئینانا ڤێ رێككه‌فتنێ.
ئاشتى كۆچه‌ر،به‌رپرسێ لقێ 17 یێ پارتى دیموكراتى كوردستان ل شنگالێ بۆ ده‌نگێ لالش دیاركر،خه‌لكێ شنگال ده‌مه‌كێ درێژه‌ دڤێن بزڤرنه‌ سه‌ر مال وملك و ده‌ڤه‌رێن خۆڤه‌،لێ تا نۆكه‌ چاڤه‌رێ حكومه‌ته‌كا شه‌رعى و ویاسایى دكن بزڤرنه‌ شنگالێ،تاكو شه‌رعیه‌ت و یاسا نه‌زڤرت خه‌لك ب هیچ ره‌نگه‌كى ئاماده‌ نینن بزڤرنه‌ ڤه‌ و گۆت:((گرۆپێن نه‌شه‌رعى بووینه‌ ئاسته‌نگ و رێگر كو ئه‌ڤ رێككه‌فتنه‌ نه‌ئێته‌ بجهئینان،لێ سه‌رۆك وه‌زیرێن عێراقى مسته‌فا كازمى گه‌له‌ك یێ رژده‌ ل سه‌ر بجهئینانا ڤێ رێككه‌فتنێ،له‌وا خه‌لكێ شنگالێ ژى چاڤه‌رێ هندێ یه‌ ئیداره‌كا شه‌رعى بزڤرت و ب سه‌رفه‌رازى ڤه‌گه‌رنه‌ سه‌ر جـى و وارێن خۆ ڤه‌)).
ئاماژه‌ ب وێ چه‌ندێ دا ژى ئه‌ڤ گرۆپێن نه‌شه‌رعى یێن دناڤ شنگال دا ئه‌گه‌رن كو خه‌لك نه‌ڤه‌گه‌رت،هه‌تا ئاواره‌یێن شنگالێ ل كوردستانێ نه‌ ژى،كوردستان هه‌ر مالا وانه‌.
ل 9/10/2020 هه‌ولێر و به‌غدایێ رێككه‌فتنا ئاسایكرنا ره‌وشا شنگالێ ئیمزاكر،كو ل گۆره‌ى وێ پێتڤیه‌ قه‌زایا شنگالێ ژ روویێن كارگێرى،ئه‌منى و خزمه‌تگۆزارى ڤه‌ ب هه‌ڤپشكى دناڤبه‌را هه‌رێمێ و حكومه‌تا فیدرال دا بێته‌ برێڤه‌برن.
س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi