حوزه‌یران 22, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ل شنگال هنده‌ك مه‌زارگه‌ه و نیشانگه‌هێن داعش په‌قاندین نه‌هاتینه‌ نووژه‌نكرن

ل شنگال هنده‌ك مه‌زارگه‌ه و نیشانگه‌هێن داعش په‌قاندین نه‌هاتینه‌ نووژه‌نكرن
تۆرا لالش یا راگه‌هاندنێ  : رائد غانم

رێكخراوا تیرۆرستى یا داعش ده‌ما ده‌ست بسه‌ر قه‌زا شنگالێ دا گرتى ل ته‌باخا 2014ێَ،چه‌ندین مه‌زارگه‌ه و نیشانگه‌هێن ئێزدیان په‌قاندن و ژناڤبرن،پشتى رزگاركرنا وى باژێرى هنده‌ك مه‌زارگه‌ه هاتنه‌ ئاڤاكرن ڤه‌ و هێشتا هنده‌ك ماینه‌ نه‌هاتینه‌ نووژه‌نكرن.
مام فاخر وه‌ك خلمه‌تكار و كه‌سایه‌تیێ ئۆلى یێ به‌رنیاس دناڤ جڤاكێ دا،بۆ ده‌نگێ لالش دیاركر،ل سالا 2014ێ رێكخراوا تیرۆرستى یا داعش 8 مه‌زارگه‌هێن فه‌رمى یێن ئێزدیان ل شنگالێ ژناڤبرن و په‌قاندن،ئێك ژ وان ل ناحیا سنوونێ بوو 7دى ژى ل قوبله‌تا چیایێ شنگالێ بوون وه‌ك مه‌زارگه‌هێن (ئامادین،مه‌هما ره‌شان،شێخ مه‌ند،شێخ حه‌سه‌ن،شێخ مه‌حما،مه‌له‌ك فه‌خره‌دین،شێخ عه‌بدولعه‌زیز، شێخ عه‌بدولقادر)،هنده‌ك ژ ڤان مه‌زارگه‌هان هاتینه‌ نووژه‌نكرن و ئاڤاكرن چ ژلایێ خه‌لكێ ڤه‌ یان ژى ژلایێ رێكخراوان ڤه‌،بۆ نموونه‌ مه‌زارگه‌هێ ئامادین ژلایێ هۆزا هه‌سكا و مهركا و فه‌قیرا ڤه‌ هاته‌ نووژه‌نكرن و ئاڤاكرن خه‌لكێ خێرا خۆ دووباره‌ ئاڤاكرن،داكو پیرۆزیێن وان بێنه‌ پاراستن ل ده‌ڤه‌را شنگالێ،ژبه‌ركو خه‌لك گه‌له‌ك گرێدایى پیرۆزیێن خۆنه‌ و ئاخا خۆیه‌.
وى كه‌سایه‌تیێ ئۆلى گۆت:هه‌ر ئێك ژ مه‌زارگه‌هێن مه‌له‌ك فه‌خره‌دین ل سكێنیێ و شێخ عه‌بدولعه‌زیز و شێخ عه‌بدولقادر ل باشوورێ چیایێ شنگالێ و گه‌له‌ك سلاڤگه‌هـ و نیشانگه‌هـ ژى هاتینه‌ ژناڤبرن ژلایێ داعشێ ڤه‌ ل شنگالێ دووباره‌ نه‌هاتینه‌ نووژه‌نكرن و ئاڤاكرن.
مام فاخر ئه‌و ژى به‌رچاڤكر،ژ سالا 2014ێ هه‌تا نۆكه‌ به‌رده‌وام داخوازێ ژ جیێن په‌یوه‌ندیدار دكه‌ین ئه‌ڤان مه‌زارگه‌هان نووژه‌ن و ئاڤا بكه‌ن،ژبه‌ركو خه‌لك گه‌له‌ك گرێدایى پیرۆزیێن خۆیه‌،له‌وما خه‌لك ژى چاڤه‌رێ یه‌ پیرۆزیێن وان بێنه‌ ئاڤاكرن مینا به‌رى 2014ێ.
ل رۆژا(3/8/2014)رێكخراوا تیرۆرستى یا داعش هێرشى قه‌زا شنگال كر،ژبلى تاوانێن دژى مرۆڤایه‌تیێ یێن د ده‌رهه‌قى خه‌لكێ وێ دا ئه‌نجام داین،چه‌ندین مه‌زارگه‌هێن ئۆلى یێن ئێزدیان ژناڤبرن.
س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi