حوزه‌یران 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئەمریکا: شێخ شامۆ رۆله‌کێ گرنگ بۆ داکۆکیکرنا مافێن ئێزدیان گێڕا

ئەمریکا: شێخ شامۆ رۆله‌کێ گرنگ بۆ داکۆکیکرنا مافێن ئێزدیان گێڕا

رووداو دیجیتاڵ

کۆنسوڵی گشتیی ئەمریکا لە هەولێر بەبۆنەی کۆچی دوایی شێخ شامۆ شێخ نەعمۆ سەرەخۆشی و هاوخەمیی خۆیان لەگەڵ “بنەماڵەی شێخ شامۆ و هاوڕێکانی و جڤاتی ئێزدی” رادەگەیێنێت.

ئێوارەی ئەمڕۆ سێشەممە 18-01-2022 شێخ شامۆ شێخ نەعمۆ، سەرۆکی بنکەی رۆشنبیریی لالش دوای 20 رۆژ تووشبوون بە پەتای کۆرۆنا لە ئەنقەرە، پایتەختی تورکیا گیانی لەدەستدا.

کۆنسوڵی گشتیی ئەمریکا لە پەیامێکدا رایگەیاند، “شێخ شامۆ رۆڵێکی گرنگی لە داکۆکیکردن بۆ خەڵکی ئێزدی لە عێراق بە هەرێمی کوردستانیشەوە گێڕا”.

لەو بارەوە سەرۆک مەسعود بارزانی لە پەیامێکدا رایگەیاند، “شێخ شامۆ كەسایەتییەكی كوردپەروەر و نیشتمانپەروەر بوو كە خزمەتێكی زۆری بە دۆزی خوشك و برایانی ئێزدی و پێكەوەژیان و ئاشتەوایی كردووە و لەدەستدانی خەسارەتێكی گەورەیە.”

هەروەها مەسرور بارزانی، سەرۆکوەزیرانی هەرێمی کوردستان لە پەیامێکدا رایگەیاند، شێخ شامۆ کەسایەتییەکی نیشتمانپەروەری دیاری ئێزدییەکان بوو و خزمەتێکی بەرچاوی دۆزی گەلی کوردی کردووە و هەردەم هەوڵی پاراستنی ماف و داواکارییەکانی کوردانی ئێزدی کردووە.

شێخ شامۆ شێخ نەعمۆ لە ساڵی 1966 لە کۆمەڵگەی خانکێ سەر بە قەزای سێمێل لەدایکبووە. یەکێکە لە دامەزرێنەرانی بنکەی رۆشنبیریی لالش، شێخ شامۆ، ئەندامی خولی رابردووی پەرلەمانی کوردستان بوو، لە کابینەی نوێی حکومەتی هەرێمی کوردستان بووەتە راوێژکاری سەرۆکی حکومەت بۆ کاروباری ئێزدییان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi